Met í Andakílsá: 23 laxar á stöng á dag

Það er víðar veiði en í Rangánum. Mér þykir ekki ólíklegt að í gær og fyrradag hafi hann Guðni Eyjólfsson frændi minn, 92 ára gamall og hans fjölskylduholl sett met en þeir fengu 47 laxa á einum degi á tvær stangir í Andakílsá. Allt á flugu. Líklega er þetta Íslandsmet í fluguveiði. Þeir voru með hálfan dag á mánudag og hálfan daginn í gær. Ekkert veiddist fyrr en um 6 síðdegis á mánudag. En meðaltalið er 4 laxar á klukkutímann á tvær stangir yfir veiðitímann. Í fréttinni er talað um 15 laxa á stöng á dag í Rangánum sem er auðvitað gott en þetta eru 23,5 laxar á stöng á dag. Með Guðna voru Guðni Steinar sonarsonur hans, Birgir sonur hans, Sverrir Heiðar tengdasonur Birgis og Gunnar Jónsson bróðursonur Guðna. Sjá nánar www.skessuhorn.is

 Guðni dregur lax í Andakílsá fyrr í sumar.

„Er ekkert venjuleg veiði“

Athugasemdir

[Sigurður Karlsson (IP-tala skráð) 27.8.2008 kl. 12:54]

Þú verður að athuga að þetta er meðaltal yfir alla Ytri-Rangá á þessum tiltekna degi, ekki bara eitt holl. Í ánni eru 18 stangir. Sumir hafa verið með fleiri en 15, sumir með færri.

Mér finnst afar líklegt að einhverjir veiðimenn hafi farið yfir 24 laxa á stöng þennan dag. Ef ekki, þá fyrr í sumar. Það hefur líka gerst að menn komi upp úr Eystri-Rangá með 12 laxa fyrir hádegi og 12 eftir hádegi á stöng þegar miklar göngur eru.