Erfitt að sjá samnefnara

Það er erfitt að átta sig á framkomu fólks á þessum hátíðum víða um land. Á sama tíma og 10-13.000 manns voru í Hveragerði og allt fór fram með sóma, voru um 3000 manns í Stykkishólmi og allt vitlaust. Rólegt á Skagaströnd segir löggan en þar eru ekki nærri því eins margir - Getur verið að mat lögreglunnar ráði einhverju um? - Nú var ball og brekkusöngur í Hveragerði með fullt af fólki, Hólmarar voru líka með bryggjuball. Fyrir stuttu voru Írskir dagar hér á Akranesi með ró og spekt eftir að allt var vitlaust á þeim í fyrra. Akureyringar sluppu við öll læti um verslunarmannhelgina en allt vitlaust þar á bíladögum. - Það er erfitt að sjá neinn samnefnara í þessu öllu. 

Þúsundir á Blómstrandi dögum í Hveragerði

Athugasemdir

[Hafsteinn Viðar Ásgeirsson, 17.8.2008 kl. 18:19]

Rölti um götur í Hveragerði eftir hádegið í dag og mér fannst allavega nóg um glerbrotin um allt. Skelfileg umgengni.

[Geir Guðjónsson, 17.8.2008 kl. 18:58]

Þá er bara að finna mælikvarða á skemmtanahaldið, t.d. hve mörgum þurfti lögregla að stinga inn, mér skilst að ekki hafi farið mikið fyri því hjá Ólafi Helga og hans mönnum um helgina.

[Sigurbrandur Jakobsson, 17.8.2008 kl. 21:17]

Þetta er allt spurning um rétt skipulag. Það held ég að hafi klikkað í Hólminum.

Hafsteinn er fjöldi glerbrota nokkuð marktækur mælikvarði á hversu vel heppnaðar hátíðirnar eru?

[Steingrímur Helgason, 17.8.2008 kl. 22:45]

30.000 mannz á fizkidögum & ungvar hallærizlegar 'ekki fréttir' ...

[Víðir Benediktsson, 18.8.2008 kl. 06:33]

Þetta fer örugglega eitthvað eftir veðri líka. Ef það er kaldara róast liðið.

[Hafsteinn Viðar Ásgeirsson, 18.8.2008 kl. 09:58]

Nei Sigurbrandur það er öruggt. Hinsvegar er útgangur eins og sjá mátti í Hveragerði í gærmorgun svakaleg lýsing á ástandi þeirra sem þar hafa gengið um götu og fyrir mína parta frábið ég mér að vera í svoleiðis söfnuði. Við þekkjum það líka að ekki þarf alltaf stóran hóp til að búa til svona standard.