Hvar er þessi gamla götumynd?

Hvaða gömlu götumynd eru menn alltaf að tala um? Ég labbaði Laugaveginn fyrir stuttu og allt næsta nágrenni. Laugavegur og Hverfisgata eru hrærigrautur bygginga af öllum mögulegum gerðum. Þau fáu gömlu hús sem eftir standa hafa ýmist verið skemmd með seinni tíma breytingum eða þá þeim hefur ekki verið haldið við og eru því ekkert augnayndi. 

„Skýrir hvers vegna síðasti meirihluti sprakk"

Athugasemdir

[Gunnar Th. Gunnarsson, 30.7.2008 kl. 10:27]

Það er helst uppá Grettisgötu, Njálsgötu og Bergþórugötu, sem maður sér heillega götumynd í aldamótastílnum 1900.

[Gunnar Th. Gunnarsson, 30.7.2008 kl. 10:29]

Bergþórugatan kannski í 1920 stílnum

[Haraldur Bjarnason, 30.7.2008 kl. 10:34]

Sammála þér Gunnar. Það er allt annað og betra ástand á húsum þar.

[Stefán (IP-tala skráð) 30.7.2008 kl. 11:43]

Laugavegurinn er stórt kaos rétt eins og borgarstjórinn, en þann fyrrnefnda væri þó hægt að lagfæra með glæsibyggingum eins og Listaháskólanum. Þeim síðarnefnda verður sennilega ekki hægt að bjarga úr þessu.

[Jón Ingi Cæsarsson, 30.7.2008 kl. 12:49]

Það má vel vera að einhverjir sjái eitthvað merkilegt út úr heildarsvip Laugavegar. Mér finnst hann aftur á móti hrærigrautur allavegna húsa, kofa og stórhýsa.... þess vegna spyr ég eins og margir... hvað á að varðveita ?? Þetta eru smá stubbar hér og þar...sem eru samstæðir en mest er þetta hrærigrautur og lítt fyrir augað.

[Haraldur Bjarnason, 30.7.2008 kl. 15:06]

Sammála ykkur Stefán og Jón Ingi. Ég get ómögulega séð einhverja 19. aldar götumynd út úr Laugaveginum. Hann er bara kaos og hrærigrautur. Annars þarf ekkert að vera að vandræðast með þennan listaháskóla. Hann getur verið hvar sem er á landinu enda er það mjög algengt að listamenn sæki sinn innblástur út fyrir 101 Reykjavík.

[Haraldur Bjarnason, 30.7.2008 kl. 22:58]

Nei Anna Kjarval ætti það skilið