Hundrað þúsund nálgast

Nítjánda febrúar í vetur stofnaði ég þetta blogg eingöngu til að gera athugasemdir við fréttir á mbl.is. Mér fannst oft að senda þyrfti athugasemdir bæði í gamni og alvöru. Ég vona og veit að vinir mínir sem standa að mbl.is hafa lesið þetta. Ekki alltaf sáttir en oftast. - Nú sé ég að teljarinn sýnir fljótlega 100 þúsund flettingar og um 51 þúsund innlit. Þessu átti ég hreinlega ekki von á þegar ég byrjaði á þessari vitleysu fyrir rúmum fimm mánuðum. Ég hef verið latur við þetta undanfarið enda nóg að gera hjá mér og ég fæ útrás fyrir skrif annars staðar. - Samt! Takk fyrir mbl.is að veita mér og öðrum þetta tækifæri.

Athugasemdir

[Lilja G. Bolladóttir, 22.7.2008 kl. 01:36]

Ég held að flestir séu latir við að blogga á sumrin, dagurinn er bjartur og maður hefur öðrum hnöppum að hneppa. Vona samt að þú hættir ekki að skrifa, það er gaman að lesa þínar vangaveltur um líðandi stund.

Bestu kveðjur og gott sumar,

[Jóhann Elíasson, 22.7.2008 kl. 09:31]

Það er greinilegt að margir fylgjast með blogginu þínu Haraldur, enda er það skemmtilegt og fróðlegt í það minnsta myndi ég sakna þess ef þú hættir að skrifa.

[Hólmdís Hjartardóttir, 22.7.2008 kl. 13:16]

Takk fyrir að leyfa okkur að lesa þínar ágætu hugleiðingar

[Sigrún Jónsdóttir, 22.7.2008 kl. 13:33]

Það er mjög gaman að fylgjast með þínum "vangaveltum" Haraldur og þótt ég hafi ekki eitthvað til málanna að leggja, þá les ég þig alltaf

[Hulda Elma Guðmundsdóttir, 22.7.2008 kl. 13:40]

Þú ferð ekkert að hætta þessu strákur. Þér fyrirgefst letin í nýju starfi og á björtum sumarnóttum. Sumarið kom í gær!

[Haraldur Bjarnason, 22.7.2008 kl. 23:54]

Takk fyrir commentin. Nei auðvitað hætti ég þessu ekki alveg en er orðin latari við þetta alla vega í sumar, enda mikið að gera hjá mér. Elma, það hefur verið sumar hér mér alveg frá því í vor að undanskildum nokkrum síðustu dögum. Tók þetta með mér að norðan í júní.