Tímamóta niðurstaða

Markar þessi niðurstaða Skipulagsstofnunar ekki ákveðin tímamót? Það er í það minnsta ekki oft sem stofnanir hins opinbera taka svo afgerandi afstöðu og allra síst gagnvart fyrirhuguðum framkvæmdum orkufyrirtækis. Oft eru nú einhverjar glufur eftir handa þeim. Niðurstaðan er hins vegar skýr, á mannamáli og engar málalengingar eða hártoganir til að villa um fyrir fólki. Þetta hlýtur að vera tímamóta niðurstaða.

Bygging Bitruvirkjunar óviðunandi

Athugasemdir

[Hafsteinn Viðar Ásgeirsson, 19.5.2008 kl. 20:03]

Þið verðið nú að fyrirgefa bæjarstjóranum í "Ákavíti", (Ólafi Áka). Hann fékk greiddar mútur frá OR til sveitarfélagsins samkvæmt samningi sem metinn var til 500 milljóna fyrir tveimur árum. Tekið var fram í samningnum að greiðslurnar væru til að "smyrja stjórnkerfið" hér og hraða sem mest afgreiðslu mála. Með þetta í farteskinu er auðvitað von á öllu úr þeirri átt svo sennilega verður að treysta á vitræn viðbrögð hjá OR, þau koma ekki héðan, því miður.

[Lilja G. Bolladóttir, 19.5.2008 kl. 21:14]

Ég er ótrúlega ánægð með Skipulagsstofnun í þessu tilfelli, þótt ég sé ekki svona beint á móti virkjunum... þ.e. þegar þær eru að gera eitthvað fyrir okkur og ekki að ganga of mikið á okkar náttúruauðlindir. Við eigum ótrúlega mikið af fallegri náttúru, en mér finnst samt að fólk sé svolítið að rísa upp og mótmæla engu, þegar það rís upp og mótmælir virkjunum á stöðum sem það aldrei hefur heimsótt, og myndi örugglega aldrei hafa heimsótt ef ekki hefði orðið fjölmiðlaumfjöllun um þessa tilteknu staði. Margir sem mótmæltu Kárahnjúkavirkjun, sem vissu ekkert hverju þeir voru að mótmæla. Ég er samt ánægð með þessa niðurstöðu Skipulagsstofnunar í þessu tilviki.

[Lilja G. Bolladóttir, 19.5.2008 kl. 21:15]

Og mér býður einhvernveginn í grun, að ég sé ósammála þér, Haraldur, í þessu máli.... eða er ekki svo??? :-/

[Haraldur Bjarnason, 19.5.2008 kl. 21:42]

Nei við erum kannski ekki alveg ósammála í þessum málum Lilja. - Ég er síður en svo á móti öllum virkjunum. Ég hafði alltaf ákveðnar efasemdir um Kárahnjúkavirkjun og þá sérstaklega vegna vatnaflutninganna með flutningi Jöklu yfir á Hérað. Í upphafi var ég hlynntari Fljótsdalsvirkjun og vildi að hún yrði sett í mat á umhverfisáhrifum, sem ekki var gert og hún slegin af en þó ekki. Efasemdirnar um Kárahnjúkavirkjun jukust svo eftir að leið á framkvæmdir og ég sá að ýmsu hafði verið laumað inn, sem fólk gerði sér ekki grein fyrir, eins og til dæmis Hraunaveitum, sem ná inn undir Eyjabakka. Þar með var nánast búið að bæta Fljótsdalsvirkjun við Kárahnjúkavirkjun. Þess vegna fagna ég því nú hve afdráttarlaus niðurstaða Skipulagsstofnunar er. Mér finnst hún gefa til kynna að ekki séu álíka glufur opnar fyrir orkufyrirtækin og var við Kárahnjúka. Hins vegar er alveg rétt að sum mótmæli vegna Kárahnjúkavirkjunnar voru ekki byggð á neinni þekkingu en alls ekki öll.