Núna eru bara allir ánægðir

Af hverju er það svona merkilegt að einhverjum fasteignakaupasamningum fækki? - Kannski eru bara allir ánægðir í því húsnæði sem þeir búa í og sjá enga ástæðu til að skipta um húsnæði. Svo getur líka verið að fólki hafi ekki fjölgað eins mikið að undanförnu og því þurfi ekki meira íbúðarhúsnæði.

Í mínum huga er húsnæði bara nauðsyn hverjum og einum og skiptir ekki máli hvort 1000 eða 10 íbúðir eru að skipta um eigendur.  Allir þurfa að hafa þak yfir höfuðið og hver fjölskylda sníður sér stakk eftir vexti í þeim efnum - Nú eru sem sagt allir ánægðir og það er hið besta mál.

Enn fækkar fasteignakaupsamningum

Athugasemdir

[Víðir Benediktsson, 16.5.2008 kl. 20:06]

Einu sinni var talað um að húsnæði væri allt of dýrt, ungt fólk gæti ekki keypt lengur. Nú lækkar verðið og þá er  bara katastrova. Ungt fólk getur lent í vandræðum. Hann er vandrataður hinn gullni meðalvegur.

[Haraldur Bjarnason, 16.5.2008 kl. 20:12]

Já Víðir. Vandamálið er að þessi ein af frumnauðsynjum okkar allra að hafa þak yfir höfuðið er fyrst og fremst verslunarvara. Það er það sem ég er að reyna að benda á með þessum pistli mínum. Sem betur fer stendur Íbúðalánasjóður enn þrátt fyrir atlögur að honum en spurningin er hvort breytingarnar sem gera á núna tryggja það að fólk geti áfram reynt að koma sér þaki yfir höfuðið án þess að markaðshyggjan ráði öllu. Jóhanna stendur vaktina og við skulum vona að Solla meti skoðanir hennar meira en frjálshyggjunnar, sem metur meir hagnað af íbúðabraski en nauðsyn fjölskyldna að hafa tryggt húsnæði. 

[Guðrún Þóra Hjaltadóttir, 16.5.2008 kl. 20:27]

Kanski fer þjóðin að hætta þessum látum og slaka örlítið á.

[Víðir Benediktsson, 16.5.2008 kl. 20:47]

Það fer alltaf um mann þegar rætt er um að breyta einhverju hjá Íbúðalánasjóði. Veit vel að hann er þyrnir í augum okurlánaranna (bankanna) en ég er ekki að sjá bankanna lána til nýbygginga í hinum dreifðu byggðum. Íslenskir bankar eru vanir því að hafa bæði belti og axlabönd svo réttlátt sem það nú er.

[Haraldur Bjarnason, 16.5.2008 kl. 20:51]

.....og þegar beltin og axlaböndin bregðast ætlast þeir til að ríkið (við) gyrðum þá aftur. !!!

[Riddarinn , 16.5.2008 kl. 23:52]

Það sem ég skil ekki er að síðustu ár hafa verktakar verið að mala gull en svo kemur smá niðursveifla og það eru allir á leið á kvínandi kúpuna og gráta úr sér augun og eru á róandi vegna ástandsins.

Hvað er orðið um þessa fjármuni sem menn mokuðu inn síðustu 3 árin,hafa menn eitt öllum milljörðunum um leið og eiga ekki til hnífs og skeiðar um leið og eitthvað slaknar á kaupæðinu?

Held að menn verði að fara að átta sig á að það eru ekki alltaf Jólin.