Lífskjör landsmanna batna ekkert við þetta

Þarf Davíð þá að lifa af strípuðum seðlabankastjóralaunum? - Þetta er nú illa gert gagnvart honum, en hann er svo sem ekki einn um að hafa notið góðs af þessum sjálftökulífeyri. Ingibjörg Sólrún á hrós skilið fyrir þetta. Kannski hefur ströglið fáránlega í fréttatímum Stöðvar 2 haft einhver áhrif, hver veit. Þetta eitt og sér er hins vegar ekki nóg hjá ríkisstjórninni. Lífskjörin í landinu batna ekkert við þessa gjörð. Við fáum ekkert meira í okkar hlut þótt einhverjir fyrrum þingmenn og ráðherrar fái aðeins minna. Betra hefði verið að allur almenningur færi á sömu kjör og þeir. - Það þarf meira til - En auðvitað virkar svona aðgerð vel út á við.

Eftirlaunalög Alþingis verða felld úr gildi

Athugasemdir

[Þorsteinn Valur Baldvinsson, 12.5.2008 kl. 08:48]

Held að strögglið í fréttamönnum stöðvar 2 hafi einmitt skilað þessu inn á þing, og að ef blaðamenn gerðu meira af þessu ströggli, væru stjórnmálamenn kannski að standa við eitthvað af kosningarloforðunum sem þeir gleyma svo oft  og 3 valdið færi þá að gera það sem það á að gera, en ekki bara að afgreiða drottningaviðtöl og matreiða tilkynningar frá valdsstjórninni.

Efast stórlega um að þetta frumvarp verði afgreitt, því verður vísað í nefnd og sett þar í tætarann.

Væri gaman að sjá kostnaðinn sem við greiðum orðið með hverjum þingmanni eftir nýjustu viðbótina, ráðningu aðstoðarmanna.

[Víðir Benediktsson, 12.5.2008 kl. 11:25]

Hver veit nema almenningur njóti góðs af? Kannski þessir aurar fari í gott málefni. Þetta er mest spurning um að eyða óréttlæti og spillinu hjá sjálftökuliðinu. Skil bara ekki tímann sem þetta þarf að taka. Stöð 2 fær stórt prik frá mér, vonandi heldur hún þessu áfram. Hingað til hafa Stjórnmálamenn, hvar í flokki sem þeir standa ekki hikað við að lofa gulli og grænum skógum treystandi á skammtímaminni kjósenda. Þessi aðferð fjölmiðla er þekkt erlendis og gefur bara góða raun. Það er ekki traustvekjandi þegar ráðherra kveinkar sér undan eigin loforðum.

[Hólmdís Hjartardóttir, 12.5.2008 kl. 12:51]

Þetta er fyrst og fremst prinsippmál

[Haraldur Bjarnason, 12.5.2008 kl. 14:05]

Mér sýnist þið öll taka undir það sem ég er að segja, hvert á sinn máta þó

[Hulda Elma Guðmundsdóttir, 12.5.2008 kl. 22:04]

Nei Halli minn, almenningur á ekki eftir að njóta góðs af þessu. Það er nefnilega komið í ljós að það er ekki hægt að láta ný lög vera afturvirk, segja lögfróðir spekingar!!! Aðallinn heldur því sínum sérréttindum hér eftir sem hingað til.