Ætli Hafró viti af þessu?

Það er svo sem varla orðið fréttnæmt þótt mokveiði sé nánast allt í kringum landið. Þessar fréttir af afla úti fyrir Norð-Austanverðu landinu bæta bara um betur. Allt er þetta á skjön við það sem okkur er sagt um fjölda fiska í sjónum. - 21 tonn á 50 bjóð. - Það hefði nú einhverntíma þótt gott. - Þetta er mok. - Að draga svona mikinn feng á linu segir okkur líka mikið meira en að fá þetta í troll eða net. Eflaust er þetta fiskur sem synt hefur framhjá öllum reiknilíkönum. - Hann á ekki að vera til. - Ég spyr bara einu sinni enn: Ætli Hafró viti af þessu?

 

Mokveiði í Öxarfirði

Athugasemdir

[Snorri Gestsson, 9.5.2008 kl. 20:35]

Haraldur, veit ekki betur en sérfræðingar hafró viti um allt sem syndir í okkar sjó, allavega er það þeirra álit, en berist þeim fréttin og þetta er af einhverjum óskiljanlegum ástæðum ekkkki í líkaninu getum við treyst því að þeir eru að sleppa núna !!!!! 

[Hallgrímur Óli Helgason, 9.5.2008 kl. 20:39]

Já þetta er góð veiði allt í kringum landið, en ráðherra talar bara út og suður, Guðmundur Einarsson ÍS 155 kom með 17.049 að landi 26.3.2007 og held ég að það hafi verið á 36 bala eins og hann rær yfirleitt með.

[Haraldur Bjarnason, 9.5.2008 kl. 21:11]

Þarna sjáið þið. -  Líklega hefur allur þessi fiskur synt framhjá reiknilíkönum Hafró. - Þetta er að gerast allt í kringum landið og það hringlar í ráðamönnum og fræðingunum, sem eru þeirra ráðgjafar. - Engin ný tíðindi en hvers vegna er ekki tekið mark á þessu?

[bjarni pm (IP-tala skráð) 9.5.2008 kl. 21:25]

vegna þess að það á að svelta þjóðina inn í evrópusambandið af peninga mönnum og gróðafýklum.

[Haraldur Bjarnason, 9.5.2008 kl. 21:29]

En Bjarni þetta nær lengra aftur en allt tal um ESB. - Það hefur ekki verið tekið mark á neinu, sem snertir lífríkið í sjónum eða því sem sjómenn segja. Bara horft á reiknilíkön Hafró í áratugi. - Niðurstaðan er sú að ekkert má veiða en nóg er af fiski. - Getur ekki verið að eitthvað annað ráði þarna ferðinni?

[Sigrún Jónsdóttir, 9.5.2008 kl. 22:35]

Bara svar við spurningu þinni kl. 21:29.  Jú, það er miðstýring sem ræður ferðinni og sú stýring hefur aldrei reynst góð fyrir aðra en þá sem sitja á "miðjunni".,

[Haraldur Bjarnason, 9.5.2008 kl. 22:45]

Sigrún. - Auðvitað er þetta miðstýring en hverjir eru í miðjunni? - Getur verið að þetta hafi eitthvað með eignamyndun að gera hjá vissum einstaklingum? - Hverjir eiga fiskinn í sjónum? - Hvers vegna er ekki hagstætt að fiskunum í sjónum fjölgi? - Þetta eru spurningar sem men vilja ekki svara. - Svo erum við mærð út úm allan heim fyrir sjálfbæra þróun og verndun fiskistofna. - Málið er það að allt þetta getur gengið að fiskistofnunum dauðum fyrir rest.

[Víðir Benediktsson, 9.5.2008 kl. 23:42]

Fiskveiðistjórnun á Íslandi er stjarnfræðilegt rugl.

[Snorri Gestsson, 9.5.2008 kl. 23:45]

Allir sem hafa fiskveiðar að atvinnu vilja fá að fiska meira, það er hinsvegar ekki alltaf auðvelt að vera í sífelldu karpi við þá sem ráða, þegar þeirra rök (sem ráða), eru alltaf eða oftast nær þau sömu, þ.e. þetta er bara græðgi í ykkur og þið berið ekki skynbragð á náttúruna, vitið ekki hvað fram fer í hafinu eins og við.

Hvort stýringin er gerð til að kæfa þá litlu er langsótt, gæti hugsanlega átt sér stað, en hver þolir endalausan niðurskurð?  þetta kemur öllum á vonarvöl að lokum. Ofstjórnun í fiskveiðum eða óstjórn er ekki lengur brosleg, heldur grátleg.

Svo koma málsmetandi menn í fjolmiðla og segja sjávarafurðir eru komnar undir álið í vöruútflutningi en gleyma að minnast á hvað væri ef við værum í normal veiðum ca:350 þús. tonnum af þorski.

[Sigrún Jónsdóttir, 9.5.2008 kl. 23:48]

Skrítið hvað sjáfarútvegsráðherrarnir okkar hafa verið tengdir sjáfarútvegsfyrirtækjum og afkomu þeirra í gegnum tíðina.  Á húsmæðramáli myndi þetta vera kallað að "baka kökuna og étana sjálfur"!

[Snorri Gestsson, 10.5.2008 kl. 00:04]

sumir hefðu kannski þurft að komast fyrr í stólinn