Slúður í bresku pressunni

Er þetta kannski málið? - Við erum sífellt að lesa einhverjar fréttir hér um efnahagsmálin á Íslandi teknar upp úr útlendum fjölmiðlum og svo þegar málin eru skoðuð virðist ekki fótur fyrir nema einhverju broti af þessum fréttaflutningi. Meira að segja smitast þetta inn á flokksstjórnarfund Samfylkingarinnar, þar sem formaðurinn talar um útlenda spákaupmenn sem hagnist á hremmingum í íslenska fjármálaheiminum, en minnist ekki á þá íslensku. - Eigum við ekki bara að líta okkur nær og hætta að velta okkur upp úr einhverju útlendu slúðri, jafnvel þótt það komi frá virtum fjölmiðlum, að því er virðist. Skiptir þá engu hvort þeir eru breskir, danskir eða annarra þjóða.

Athugasemdir

[Marta B Helgadóttir, 30.3.2008 kl. 15:56]

Mikið til í þessu, alveg örugglega. Fréttamennskan kemur fyrst, staðreyndir í annað sæti.

[Haraldur Bjarnason, 30.3.2008 kl. 15:58]

Góð fréttamennska byggir á staðreyndum,  en kapp er best með forsjá, erum við ekki sammála um það?

[Hulda Elma Guðmundsdóttir, 30.3.2008 kl. 16:55]

Hætt a lesa moggann, les bara þitt blogg!

[Haraldur Bjarnason, 30.3.2008 kl. 17:05]

Ekki hissa á því, þetta er alveg ótrúlegt rugl í gangi þarna.