Blönduósslöggan er þá enn á vaktinni!

Mikið léttir manni að sjá frétt um að löggan á Blönduósi hafi haft afskipti af fjölda ökumanna vegna hraðaksturs. Ég var farinn að óttast að þetta víðfræga lögregluembætti hefði hreinlega verið lagt niður, svo langt er síðan hraðakstursfréttir hafa sést þaðan. Ef sektirnar eru eitthvað í samræmi við það, sem stelpan er hraðast fór fékk, þá hefur dálagleg summa komið í kassann á þessum 7 klukkutímum. Þó er nú varla að búast við að allir hafi fengið svona háa sekt, en ef meðaltalið er um 15 þúsund kall, þá gera þessir 40 um 600 þúsund, svo löggurnar hafa vel unnið fyrir sínu þennan daginn. Kannski gefa þeir einhvern staðgreiðsluafslátt ef borgað er strax í posann þeirra, má vera.

Tugir teknir fyrir hraðakstur

Athugasemdir

[Sá sem veit betur (IP-tala skráð) 25.3.2008 kl. 23:12]

Ég held að þeir séu mest að taka fólk á sirka 105-115 í radar. Þegar búið er að draga frá 3% skekkju situr viðkomandi uppi með sekt uppá 30.000. kr.

með afslætti er það þá 22.500, og reiknaðu nú!

[Haraldur Bjarnason, 25.3.2008 kl. 23:23]

"sá sem veit betur"......verðum við ekki bara að treysta því þangað til annað kemur í ljós....leiðist pukruháttur og nafnleysi.

[Sá sem veit betur (IP-tala skráð) 26.3.2008 kl. 03:02]

Treysta hvurju...

Þetta með sektirnar...

Það er klárt....sjá hér 

Ég bara trúi ekki að þeir hafi verið að sekta fólk fyrir að keyra á milli 96 og 100.   

Samkvæmt mínum útreikningum er þá afraksturinn sem rennur í ríkissjóð að lágmarki 900 þúsund.... og þá er ekki tekið tillit til þeirra sem hafa ekið hraðar en þessi sektarflokkur, þ.e á milli 101 og 110 að teknu tilliti til 3% frádráttar.

Svona rétt í lokin, þá er orðið pukru ekki í minni orðabók. En pukur finnst þar í stórum stíl....

[Júlíus (IP-tala skráð) 26.3.2008 kl. 06:34]

Trúir þú því ekki "Sá sem veit betur" að þeir séu að sekta fólk á milli 96 og 100?

Stendur ekki skýrt að hámarkshraði sé 90? Allavegana held ég að það fari ekki á milli mála. Blönduós lögreglan hefur verið þekkt fyrir að taka fólk og sekta það og að fólk skuli í alvörunni detta í hug að fara að keyra of hratt þarna lýsir í sjálfum sér bara hvað fólk er ofboðslega vitlaust.

Leiðinlegt að segja það en lögreglan á Blönduósi eru þekktir fyrir að vera eina lögreglan á landinu sem eyðir einhverjum tíma í að stoppa fólk fyrir of hraðan akstur. 

Síðan annað. Hvað er með þetta bónusakerfi á Íslandi?? Getur fólk ekki bara borgað sektina þegjandi og hljóðalaust? Þú eða einhver annar fær sekt og þá á viðkomandi bara að borga hana. Nú ef hann borgar ekki á réttum tíma þá á bara að setja vexti á sektina. En ekki undir nokkrum kringumstæðum á að verðlauna fólk fyrir að aka of hratt bara af því að það var svo ofboðslega duglegt að drattast á pósthúsið eða að opna einkabankan.

Þetta er bara með öllu óskyljanlegt og vona ég innilega að lögreglan um land allt taki Blönduós lögregluna sér til fyrirmyndar í að sekta fyrir of hraðan akstur. Vil líka bæta því við að fólk sem er að dandalast um þjóðvegi landsins á 75km hraða á klukkustund á líka að vera sektað. Ekkert minni hætta af svoleiðis fólki í umferðinni en þeim sem keyra 10-15km yfir hámarkshraða. Verður til þess að framúrakstur og pirringur ökumanna eykst.

[Haraldur Bjarnason, 26.3.2008 kl. 08:42]

Til þess sem veit betur. Ég efast ekki um sannleiksgildi þess sem þú segir og er viss um að þú reiknar rétt. Líklega veistu allt um svona hraðakstursmál. Mín tilgáta um peningaupphæðir var gjörsamlega út í loftið, enda er það ekki aðalatriðið í þessu máli heldur hitt að verið er að gera athugasemdir við hraðaakstur og ég tek undir allt það sem Júlíus segir. - Fáðu þér svo betri orðabók því í minni er líka til sögnin að pukra, þó svo ég viðurkenni að hitt hafi verið ásláttarvilla (stafabrengl). - Komdu svo út úr skápnum. Þú hefur skoðanir á hlutunum og þarft ekki að fela þig á bak við nafnleysi.

[Sá sem veit betur (IP-tala skráð) 27.3.2008 kl. 21:35]

Mig langar að leggja orð í belg um svar Júlíusar.  Hann vill sekta fólk á 75 kmh og líka þá sem eru á 90.  Samkvæmt kokkabókum hans skal fólk halda sig á þessu 15 kmh millibili.  Bara svo ég dusti nú rykið af umferðalögunum, þá er hámarkshraði miðaður við bestu hugsanlegu aðstæður... Sem er sirka þrisvar á ári á þessu landi.  Þannig að ef þú vilt fara bókstaflega eftir þessu, þá ertu að brjóta lög á 90 kmh.  Eins og þú kannski veist er ekki farið bókstaflega eftir þessu í "praxís".  Þessvegna gaf ég mér það að Lærisveinar Kristjáns Þorbjörnssonar yfirlögregluþjóns á Blönduósi væru líka mannlegir, allavega þekki ég þá ekki af öðru.

Haraldur.. þetta skot á þig með pukrudótið var nú bara leikur að orðum.  Hins vegar líður mér ákaflega vel í þessum skáp sem ég er kominn inní, og finnst allt í lagi að vera þar, meðan ég er ekki að notfæra mér það til þess að níða skóinn af náunganum. 

Svona til að gera hreint fyrir mínum dyrum, hef ég komið mér upp góðri reglu í umferðinni. Ég bara kaupi ekki bíl ef það er þægilegt að keyra hann á yfir 100 kmh.  Með því losna ég við sektir á þjóðvegum landsins, en verð eftir sem áður að gæta að mér innanbæjar.

Það sem ég hegg eftir hinsvegar í svari Júlíusar, er að hann telur að það gildi aðrar reglur í umdæmi Blönduóslögreglunar en annarsstaðar. Svo ég hafi þetta orðrétt :"Blönduós lögreglan hefur verið þekkt fyrir að taka fólk og sekta það og að fólk skuli í alvörunni detta í hug að fara að keyra of hratt þarna lýsir í sjálfum sér bara hvað fólk er ofboðslega vitlaust".  Er þá í lagi að keyra hraðar annars staðar?

 Varðandi afsláttin, sem er ríflegur, 25% þá er öllum boðið uppá hann, jafnt íslendingum sem erlendum borgurum. Þetta má setja upp sem dæmi. Þú hefur 30 daga til að greiða sektina eftir að hún berst þér.  Þá er eindagi þann dag, gjalddaginn er þá 30 dögum síðar.  Greiðir þú ekki fyrir gjalddaga bætast við 25% sem ætlað uppí kostnað við að innheimta sektina.  Þannig má segja að sekt sem er uppá 30 þúsund, er í raun uppá 22.500.kr en 7500 krónurnar sem við bætast séu innheimtukostnaður.  Eini gallinn við þetta er að innheimtukostnaðurinn eykst með hækkandi sektargreiðslum, þannig að þetta varð að heita afsláttur en ekki innheimtugjald, svo skattmann gæti fengið aðeins meira.

Góðar stundir.