Stjórnarráðsbyggingin?

Er ekki bara betra að halda sig við að kalla þetta ágæta hús stjórnarráðshúsið eins og er í fyrirsögn en ekki stjórnarráðsbygginguna eins og gert er í fréttinni og myndartexta. Stjórnarráðshúsið, eða bara stjórnarráðið, hefur þetta gamla tugthús verið kallað frá því það fékk núverandi hlutverk.

Mótmæltu við stjórnarráðshúsið

Athugasemdir

[assa (IP-tala skráð) 17.8.2010 kl. 10:24]

En sá yfirgangur í þessari kommúnistaríkisstjórn sem við erum búin að kjósa yfir okkur, og afkjósa reyndar mörgum sinnum en stjórnin hlustar ekki á það eins og góðum kommúnistum sæmir. Kommúnistar hlusta ekki á vilja fólksins, það er aðeins þeirra eigin vilji sem ræður. Nú ættum við öll að fjölmenna niðureftir og gefa mávunum brauð og fá flautu hjá börnum og/eða barnabörnum að láni og mótmæla í rólegheitunum. Ef einhverjir glæpamenn eru staddir innandyra og kalla á góðvini sína lögregluna þá neitum við að segja til nafns. Yrðum við þá öll þar með handtekin? Og glæpamaðurinn sjálfur sleppur? Væri fróðlegt að vita.

[Haraldur Bjarnason, 17.8.2010 kl. 10:46]

Þetta er kostulegt innlegg og fátt um svör. Sé ekki að það eigi neitt skylt við innihald þess sem ég segi um stjórnarráðshúsið.

[assa (IP-tala skráð) 17.8.2010 kl. 10:53]

Vissulega ekki. Það er mikið rétt hjá þér. Mitt innlegg er meira í takt við fyrirsögn og innihald fréttarinnar en það sem þú segir um húsið sem í hlut á. Vissi ekki að þau skilyrði væru sett að innlegg yrði að fjalla um þín orð. Biðst velvirðingar á því og skal reyna passa mig í framtíðinni á að gera ekki svona mistök.