Fjölga hraðamyndavélum

Það er hið besta mál að setja eigi upp hraðamyndavélar í tvennum jarðgöngum til viðbótar (ekki tveimur eins og segir í fréttinni). Hraðamyndavélarnar virka á ökumenn. Það sýnir sig best í Hvalfjarðargöngum og líka á þeim stöðum sem þær eru á þjóðvegunum. Svona myndavélar mætti setja upp mun víðar og sérstaklega þar sem umferðarslys, sem rekja má til hraðaksturs, hafa orðið.

Kaupa hraðamyndavélar í jarðgöng

Athugasemdir

[Óskar Guðmundsson (IP-tala skráð) 11.8.2010 kl. 19:14]

Þetta er því miður ekki rétt með tilliti teknu til slysa.

Myndavélarnar valda nefnilega slysum og eru bretar margsinnis búnir að sýna fram á það, t.d hér.

http://www.safespeed.org.uk/main.html

Þeim er samt haldið á vegunum þar sem þær eru stöðug innkoma fyrir ríkið.... alveg sama þótt að það drepi einhverja.

Fólk er nefnilega að leita að vélunum með augunum sem eiga að vera á veginum!!!

Lægri hraði er ekki heldur málið eins og kom í ljós þegar danir hækkuðu hraðann úr 110 í 130 á stærstu vegum og úr 90 í 110 á minni.

Hraðamyndavélar eru nefnilega eins og aðrrar löggæslumyndavélar, þ.e.a.s. ef eitthvað kemur uppá að þá hjálpar það ekki rass að hafa myndir af því.

Þetta er eitthvað sem við því miður þekkjum á egin skinni.

Lögreglan á höfuðborgarsvæðinu beitti myndavélum í stað mannaðrar vaktar í miðbænum og missti fyrir vikið ofbeldið úr höndunum, því að myndavélarnar geta ekki brugðist við eða gripið inní....

[Birgir Guðjónsson (IP-tala skráð) 11.8.2010 kl. 20:31]

Það er bara að fagna þessu og vona að fleiir verði setta upp !

Mjög léleg rök hjá Óskari..

LOL..fólk er að leita af þeim..og keyrir útaf.

Hraðinn drepur Óskar, það er hlutur sem er margsannaður.

[Haraldur Bjarnason, 11.8.2010 kl. 20:36]

Stend við allt sem ég segi og þessar hraðatölur sem þú nefnir frá Danmörku eru út í hött. Þar er hámarkshraði á sambærilegum vegum og eru aðalvegir hér 70 km en 110 á hraðbrautunum með þremur til fjórum akreinum í hvora átt. Við eigum að spara og auka öryggi með fleiri hraðamyndavlum. Ökumenn horfa ekkert frekar eftir þeim en löggubílum.

[Haraldur Bjarnason, 11.8.2010 kl. 21:05]

Rétt Birgir. Athugasemdir mínar áttu við það sem Óskar sagði. Ég hef verið að setja þær inn á sama tíma og þú.

[Steinmar Gunnarsson, 11.8.2010 kl. 21:55]

Svo það sé nú alveg á hreinu með hámarkshraða á dönskum vegum er rétt að eftirfarandi komi fram:

Leyfilegur hámarkshraði á hraðbrautum er 110 km/klst. Á sumum köflum er hann 130.

Á vegum sem kallaðir eru "motor-trafikvej" er hámarkshraðinn 90 km/klst

Á venjulegum sveitavegum (landevej) er hámarkshraðinn 80 km/klst. Sveitavegirnir eru að miklu leyti sambærilegir hringveginum okkar, nema bara sléttari en breiddin svipuð.

Að öðru leyti gilda staðbundnar hraðatakmarkanir, eins og víða á Íslandi. Þriggja og fjögurra akreina hraðbrautir eru nánast eingöngu í og við Kaupmannahöfn og þar er víða 80-90 km hámarkshraði.

Eini vegarspottinn á Íslandi sem gæti borið 110 km hraða er Reykjanesbrautin þar eru 2 akreinar í hvora átt, með aðskildum akstursáttum.

En svo ég kommenti um efnið, þá er ég efins um að hraðamyndavélar nýtist sem forvörn. Besta forvörnin er tíð umferð lögreglubíla á vegunum þar sem þeir geta sinnt umferðareftirliti. Mér dettur helst Húnavatnssýsla í hug sem fyrirmynd að öflugu hraða- og umferðareftirliti.

Víða í Danmörku eru ómerktir myndavélabílar við hraðaeftirlit og það er nú einu sinni svo að bara hugsunin um að bíllinn fyrir framan eða aftan geti verið lögreglubíll, hefur mikið forvarnargildi.

[Haraldur Bjarnason, 11.8.2010 kl. 22:26]

Gott innlegg Steinar. Hélt að vísu að það færi 70 km þar sem þú segir að sé 80 km en allt aðrar aðstæður samt og engar brekkur og brattar fjallshlíðar.

[Steinmar Gunnarsson, 12.8.2010 kl. 05:25]

Aðstæður eru allt aðrar hérna í Danmörku, það er alveg rétt. Þó verður að segjast að þó ekki sé fjallvegununum fyrir að fara eru margir sveitavegirnir með ansi takmörkuðu útsýni en engu að síður keyra menn ansi líflega. Lítið eða ekkert eftrilit er með harðakstri á þessum vegum, en þess meira á þeim fjölfarnari.