Jón og séra Jón

Jón hefur 160.000 á mánuði en séra Jón sem býr i næsta húsi hefur 320.000 á mánuði. Þá hafa þessir nágrannar það að meðaltali gott. Svona rugl eins og þessar meðatalstölur eru út í hött.

Mánaðarlaun 334 þúsund að meðaltali

Athugasemdir

[Axel (IP-tala skráð) 25.3.2010 kl. 10:32]

Þeir gefa að vísu upp einhverjar tölfræðiupplýsingar svo sem miðgildi og algengustu laun sem gefa einhverja tilfinningu um það hvernig þetta dreifist en þeir eiga að sjálfsögðu bara að gefa bara upp staðalfrávik og dreifni.

Annars þegar þau tala um algengustu laun, getur verið að 175 þús og 225 þús séu fyrsta og þriðja fjórðungsmarkið? -þá segir þetta auðvitað mun meira.

[Hamarinn, 25.3.2010 kl. 10:34]

Hvað er rangt við þetta?

Þarna er bara verið að birta staðreyndir.

[Haraldur Bjarnason, 25.3.2010 kl. 10:47]

Hamarinn. Það hefur það enginn að meðaltali gott. Þess vegna eru svona upplýsingar villandi.

[Axel (IP-tala skráð) 25.3.2010 kl. 11:15]

Hamarinn, ef einn maður er með 10 milljónir á mánuði og annar með 100 þúsund krónur, heldur þú að það sé þá eitthvert vit í því að segja bara við fólk að meðallaun þessara manna sé 5 milljónir og 50 þús kr?

Meðaltalið eitt og sér gefur mjög takmarkaðar upplýsingar um laun þar sem laun eru í eðli sínu ójöfn, það verður að gefa líka einhverjar upplýsingar um hvernig launin dreifast líka, sem að vísu er gert að einhverju leiti í greininni.

[Hamarinn, 25.3.2010 kl. 11:32]

Þessar upplýsingar eru ekkert villandi. Þetta eru staðreyndir.Og það er ekkert verið að seigja að menn hafi það meðaltalsgott.

Er ekki málið að þú áttar þig ekki á málinu?

[Axel (IP-tala skráð) 25.3.2010 kl. 12:30]

Málið er það að meðallaunin skipta engu máli, þau segja bara hversu mikið fyrirtæki greiða alls til launafólks, deilt með fjölda launafólks. Þess vegna er mjög óraunhæft að tala um meðallaun fólks án þess að taka fram hvað staðalfrávikið er.

[Hamarinn, 25.3.2010 kl. 13:02]

Axel.

Fyrirsögnin segir Mánaðarlaun 334 þúsund að meðaltali. En lastu nokkuð fréttina ?

Ég held ekki. Þarna eru ýmsar upplýsingar.Til dæmiðs að 20% séu á launum á bilinu 175-225 þúsund.

[Haraldur Bjarnason, 25.3.2010 kl. 13:12]

Hamarinn. Gott hjá þér að benda á á að 20% séu með 175-225 þúsund þrátt fyrir að meðaltalið sé 334 þúsund. Þá sérðu hversu villandi þessar meðaltalsfréttir eru. Meðaltali er nefnilega alltaf slegið upp í fyrirsögnum en það segir ákkúrat ekki neitt um kjör fólks.

[Hamarinn, 25.3.2010 kl. 13:19]

Hvað er rangt við aðð segja hvað meðaltalið sé, þegar hinar uoolýsingarnar fylgja með fréttinni?

[Axel (IP-tala skráð) 25.3.2010 kl. 13:46]

Ég las reyndar fréttina og sá bara að algengustu launin voru á bilinu 175 þús til 225 þús, en ég tók ekki eftir því að þarna var um fimmtung að ræða. Þanig að ef 175 þús og 225 þús eru 40% og 60% mörkin sem ég gerir ráð fyrir þá gefur það okkur góðar upplýsingar um dreifinguna. Annars er ég enginn snillingur í tölfræði.