Verður þetta þá loks afgreitt?

Getur þá verið að þetta Icesave mál verði þá loks afgreitt og stjórnmálamenn geti farið að snúa sér að því sem skiptir máli fyrir þjóðfélagið; endurreisn bankakerfis og atvinnulífs. Ekki veitir af til að afla gjaldeyris til greiðslu skulda óreiðumannanna. Það dugar ekkert að strögla endalaust um þetta sama mál. Lengra verður ekki komist í því og ef við ætlum að vera með í samfélagi þjóða og geta flutt út okkar framleiðsluvörur verðum við að kyngja þessum Icesave samningi, hversu vel eða illa okkur líkar við það. Við eigum einfaldlega ekki annarra kosta völ.

Icesave afgreitt út úr nefnd

Athugasemdir

[Þórbergur Torfason, 17.11.2009 kl. 01:20]

Að sjálfsögðu eigum við annarra kosta völ Halli. Við getum bara fryst málið og snúið okkur að öðru þarfara, til dæmis að kalla heim ESB sendlana og setja þá í einhverja ærlega vinnu t.d. að skreyta jólatré.

[Haraldur Bjarnason, 17.11.2009 kl. 09:22]

Beggi eru ekki allir ESB sendlarnir hérna heima? Hins vegar er spurning hvort ekki er hægt að skreyta bara eitthvað af öllu þessu stjórnarandstöðuliði eins og jólatré. Hvað er til dæmis grænna en framsóknarmaður með glimmer og kúlur? Bjarni Ben myndi líka taka sig vel út sem blágrenitré á Austurvelli.

[Óskar (IP-tala skráð) 17.11.2009 kl. 11:01]

Segðu, og ef þú bætir rauðskalla og gömlu gránu á tréð þá verða fyrst jól. og endurreysnin getur þá hafist. Án Iceslave.

[Haraldur Bjarnason, 17.11.2009 kl. 11:54]

Þetta getur orðið myndarlegur og fjölbreyttur jólatrjáaskógur Óskar. Jafnvel með Icesave merkið á toppnum.

[Þórbergur Torfason, 17.11.2009 kl. 13:36]

Já viljiði nota englahárið hennar Jóhönnu sem skraut á jólatré. Það gæti verið vel til fundið. Er eitthvað nothæft á Steingrími sem skraut nema hann gæti kannske sungið "göngum við í kringum" með tilbrigðum við Icesave.