Þannig er þetta bara

Um leið og eitthvað verður að veðri á haustin verður Vopnafjörður einangraður landleiðina. Vopnafjarðarheiði og Fjöllin eru slæm og Hellisheiði lokast í fyrstu snjóum. Ef Vopnafjörður á að komast í vegasamband við umheimin er eina leiðin að bora göng undir Hellisheiði. Þau eru fimm kílómetra löng og færa allt norðausturhornið til Austurlands með um hálftíma keyrslu. Þannig er þetta bara.

Bílvelta á Vopnafjarðarheiði

Athugasemdir

[Benedikt V. Warén, 9.10.2009 kl. 19:06]

Er marg búinn að fjalla um jarðgöng undir Hellisheiði eystri, en lítið hefur þokast.  Það er því löngu  tímabært að fara að vinna að fullum þunga við undirbúning þeirra til að bæta samgang milli Héraðs og Vopnafjarðar. 

Svæðið, sem nyti góðs af þeirri framkvæmd, nær allt frá Þórshöfn í norðri ásamt íbúum Bakkafjarðar og að sjálfsögðu íbúum Vopnafjarðar. Bendi á það, að ítrekað er búið að samþykkja ályktanir um þessi göng á kjördæmisþingum og ítrekað hefur verið ályktað um þau á SSA þingum.  Þetta er nauðsynlegt til að rjúfa vetrareinangrun norðan Smjörvatnsheiðar.

Umrætt svæði er í ríkara mæli að uppgötva kostina við að sækja aðföng og þjónustu á Mið-Austurland.  Fyrir íbúa norðan Smjörvatnsheiðarinnar opnaðist gáttin suður um,  við endurbæturnar á Hellisheiðinni og ekki skemmdi fyrir vegbætur á Háreksstaðaleið.  Það er hins vegar yfir hálendið að fara, þar sem veður geta verið válynd og akstursskilyrði vafasöm, eins og dæmin sanna.   

Landfræðilega er styttra frá Þórshöfn til Egilsstaða en frá Þórshöfn til Akureyrar, bæði hvað varðar beina loftlínu og eftir vegakerfinu.