Gullfiskaminni

Það verður ekki á íslenska kjósendur logið. Gullfiskaminnið er algjört.

Sjálfstæðisflokkurinn stærstur á ný

Athugasemdir

[Hólmdís Hjartardóttir, 18.9.2009 kl. 16:07]

þetta er ekki beinlínis upplífgandi.....er þessari þjóð viðbjargandi?

[Snorri (IP-tala skráð) 18.9.2009 kl. 16:14]

Það getur verið að fyrrum sjálfstæðismenn hafi sofið á verðinum (ásamt öðrum) en það gengur ekki endalaust að skýla sér bak við það. Þessi útkoma sýnir okkur hve skelfileg stjórn er við líði núna.

Gleymum ekki að Steingrímur, Ögmundur, Jóhanna, Össur og fl. hafa verið á þingi frá því elstu menn muna og ekki man ég eftir að einhver af þeim hafi varað mig sérstaklega við icesave, (Steingrímur var á fínum þingmannslaunum).

Núverandi stjórn er ónýtt rusl og á heima á öskuhaugunum...... eins og mætur maður sagði einhverntíman :)

[Hrafna (IP-tala skráð) 18.9.2009 kl. 16:23]

Kallast það gullfiskaminni þegar fólk áttar sig loksins á að núverandi ríkisstjórn er gagnslaus með öllu?

Fólki er einfaldlega nóg boðið og ESB þráhyggjan er að koma illilega í bakið á Samfylkingunni og sama má segja um svik Steingríms við kjósendur og sína eigin samvisku.

Hvað sem segja má um fyrri störf Sjálfstæðisflokksins, gott eða slæmt, þá afsakar það ekki aðgerðarleysi og vanhæfni núverandi stjórnar.  Hún verður dæmd að eigin verðleikum en ekki eftir því hvernig einhver annar stóð sig í fortíðinni.

Sjálfstæðisflokkurinn þarf að sjálfsögðu að taka til hjá sér og gera breytingar.  Það er enginn að halda því fram að þeir séu saklausir með öllu.  En ég tel að Sjálfstæðisflokkurinn sé þúsund sinnum líklegri til að ná íslendingum uppúr þrengingunum heldur en sú ríkisstjórn sem nú situr með hausinn ofan í sandinum.

[Viðar Helgi Guðjohnsen (IP-tala skráð) 18.9.2009 kl. 16:40]

Miðað við þau hryðjuverk sem vinstriflokkarnir hafa staðið að þá er niðurstaða þessara könnunar ekki eitthvað sem kemur fólki á óvart.

Þess má geta að undirritaður kaus Vinstri Græna en það verður aldrei gert aftur. Sá flokkur hefur gert lítið annað en að svíkja öll sín grundvallarmál.

[Einar Hansson (IP-tala skráð) 18.9.2009 kl. 16:41]

Hér er lausnin:

Sjálfstæðisflokkur og Framsókn í ríkisstjórn.
Neitað verður að borga IceSave.
Engin lán fást til þess að koma hjólum atvinnulífsins af stað.
Tugþúsund manns flýja land næstu 2-3 ár.
Húsnæðisverð heldur áfram að hrynja.
Ísland frekar einangrað. Evran á 600 ISK.
Ísland gengur úr EES.
Ísland segir sig úr NATO og SÞ.
Flestum sendiráðum lokað.
ESB kaupir engan fisk og ekkert ál af Íslendingum. "Boykott".

En þeir sem eru eftir geta keypt sér fínustu húsnæði, þar sem þau eru á spottprís.

Skömmtun hefst á innfluttnum varningi.

Eftir 50 ár eru íbúar Íslands í kringum 50 þúsund.

Alls ekki svo slæmt, ekki satt?

[Hilmar (IP-tala skráð) 18.9.2009 kl. 17:08]

Skv sömu lógík og vinstrimenn lögðu út af þegar Samspillingin rauf síðustu ríkisstjórn, þá starfar þessi stjórn ekki lengur í umboði þjóðarinnar, og ber að víkja.

Kosningar strax þannig að hægt sé að hefja hér endurreisn, í stað þess að láta allt  reka á reiðanum.

[Einar Hansson (IP-tala skráð) 18.9.2009 kl. 17:55]

Hilmar, hvernig á sú endurreisn að líta út?

Hvaða klíka á að stjórna landinu?

[Haraldur Bjarnason, 18.9.2009 kl. 18:36]

Grundvallarstefna Sjálfstæðisflokksins er frjálshyggjan. Óheft "frelsi" hennar er búin að koma okkur á þann stað sem við erum núna. Þess vegna er það  gullfiskaminni kjósenda að þeir skuli búnir að gleyma þessum grunni.

[Hrafna (IP-tala skráð) 18.9.2009 kl. 21:19]

Bölvað kjaftæði að frjálshyggjan sé búin að koma okkur um koll.  Menn ættu að kynna sér frjálshyggjuna áður en þeir puðra svona þvaðri útúr sér.   Á Íslandi hefur verið blandað hagkerfi en ekki bein frjálshyggja svo varla er hægt að kenna henni um allt sem illa fór.

Ég kenni lélegu regluverki, of smáum og valdalitlum eftirlitsstofnunum og siðlausum viðskiptajöfrum um ástandið.  Auðvitað eiga þáverandi stjórnvöld sinn þátt í sökinni fyrir að sofa á verðinum en það þýðir ekki að Samfylking og VG hljóti að vera skárri.

Þrátt fyrir allt sem á undan er gengið þá held ég að Sjálfstæðisflokkurinn komist ekki með tærnar þar sem Samfylking og VG hafa hælana hvað varðar pólitísk afglöp, aðgerðarleysi og ákvarðanafælni.

Og eins og Hilmar segir hér að ofan, þá var það lógík Samfylkingar og VG að fyrri stjórn starfaði ekki lengur í umboði þjóðarinnar og bar því að víkja.  Hvernig ætla þau að réttlæta veru sína í ríkisstjórn þegar meirihluti þjóðarinnar er á móti þeim?

[Haraldur Bjarnason, 19.9.2009 kl. 14:31]

Úbbs, Hrafna!! Regluverkið var í boði frjálshyggjunnar því þar á bæ á allt að vera frjálst, engar reglur, engin höft, engar þvingarnir. Eftirlitsstofnanir eru heldur ekki uppáhald frjálshyggjunnar. Svo þetta var allt samkvæmt uppskriftinni eins og þú segir reyndar Hrafna. Því fór sem fór.

[Hrafna (IP-tala skráð) 19.9.2009 kl. 15:12]

Vertu ekki svona einfaldur Haraldur.

Regluverkið var ekki smíðað inní stofu hjá Davíð Oddssyni eins og margir vilja meina.

Kvet þig til að kynna þér regluverk EES betur áður en þú tjáir þig um þetta og hvaða reglur um bankana við ÞURFTUM að taka upp vegna inngöngunnar.  Ég þarf varla að segja þér hver átti "sök" á því að við gengum í EES.

Ýmsu var þó ábótavant hvað varðar eftirlitið með regluverkinu, af því verður ekki skafið og Sjálfstæðisflokkurinn á að sjálfsögðu sína sök á því hvernig fór.  En Sjálfstæðisflokkurinn sat aldrei einn í ríkisstjórn.   Einnig sátu í nefndum fulltrúar VG, framsóknar og samfylkingar síðastliðin ár og greiddu frumvörpum ýmist atkvæði með eða á móti og gátu þannig komið sínu til leiðar ef þeir kusu svo.   

Það þýðir ekki að vera með svona einfeldni.  Það gleypir enginn við þessu bulli lengur enda sést það best á því að fylgið hrynur af stjórnarflokkunum og D orðinn stærsti flokkurinn aftur.