Breytir ekki trúarbrögðum Hafró

Togararall er og hefur alltaf verið arfavitlaus aðferð til að nota sem ráðgjöf um hverjar aflaheimildir eiga að vera. Einfaldlega vegna þess að fiskurinn hefur sporð og leitar því þangað sem lífsskilyrði fyrir hann eru best hverju sinni. Það er góðra gjalda vert að toga ár eftir ár á sömu bleyðunum á sömu skipunum. Slíkt getur gefið samanburð á lífríki viðkomandi staða og hitastigi. En að þetta eigi að segja okkur eitthvað um ástand þorskstofnsins er fáránlegt.

Mikið þarf að ganga á til að Hafró víki frá trúarbrögðum sínum um að hægt sé að geyma fiskinn í sjónum, eins og í einhveri afmarkaðri kví og bíða eftir að hann stækki. Þessi niðurstaða kemur ekki til með að breyta neinu um fiskveiðiráðgjöf á þeim bæ.

Vísbendingar um sterkan þorskstofn

Athugasemdir

[Sævar Einarsson, 16.4.2009 kl. 19:44]

Ég gæti ekki orðað þetta betur, þakka þér fyrir hárbeittan og kórréttan pistil.

[Víðir Benediktsson, 17.4.2009 kl. 07:34]

Samt ótrúlegt hvað þeir eru duglegir að finna fisk rétt fyrir kosningar. Þetta er ekki í fyrsta skipti.

[Hafsteinn Viðar Ásgeirsson, 17.4.2009 kl. 07:40]

Það er mikið rétt Haraldur.