Spurning?

Kannski arðvænlegt fyrir sumar útgerðir að flytja fiskinn óunninn til útlanda en spurning hvort ekki eigi að setja einhver höft. Hafa skilyrði um vinnslu aflans heima. Það eru jú höft á gjaldeyri.  Útgerðir sem hafa fengið kvóta ókeypis ættu því að vera slíkum höftum háðar. Annað með þá sem keypt hafa kvóta á háu verði.

Áforma fleiri sölutúra til Englands

Athugasemdir

[Jón Snæbjörnsson, 4.3.2009 kl. 19:32]

það vöru höft sem en voru tekin af í tíð síðustu ríkistjórnar - var í formi tolla að ég held - auðvitað á að reyna að snúa þessari vinnslu heim að mestu leiti - sem og að gefa krókaleifi frjáls

[Báran (IP-tala skráð) 4.3.2009 kl. 21:35]

Grunar að ástandið í sjávarútvegi sé að verða erfitt eins og hjá öðrum atvinnugreinum, þetta tók bara lengri tíma. Get ekki ímyndað mér að menn grípi til þess að sigla með fisk nema til þess eins að ná í lausafé. Ferskfiskmarkaðir borga nánast út í hönd. Það ríkir frost og/eða verðfall á afurðum á hefðbundnum mörkuðum. Kaupendur vilja lengri greiðslufrest. Af þeim sökum vantar rekstrarfé. A.m.k. tekur enginn tekur lán í bönkum við núverandi aðstæður.

[Hafsteinn Viðar Ásgeirsson, 4.3.2009 kl. 21:42]

Það þarf raunverulega engin höft, önnur en þau að allir sem veiða við landið þurfi að vigta í íslenskri höfn. Það er engin sanngirni í því að þeir sem senda í gámum eða sigla með aflann þurfi ekki að vigta fyrr en í útlöndum og rýrnun á flutningstímanum komi ekki niður á veiðiskipinu.

Þetta væri álíka og ef að ekki þyrfti að vigta hérna fyrr en við vinnslu fiskjarins viku eftir löndun eða svo, þegar búið væri að létta aflann um 5-10% eða eitthvað álíka.

Galin vinnubrögð.

[Hafsteinn Viðar Ásgeirsson, 4.3.2009 kl. 21:47]

Höftin sem voru afnumin í tíð EKG Jón,voru skerðing á kvóta ef siglt var eða sent í gámum. þessi aðferðafræði var aldrei nothæf, þetta voru ólöglegar viskiptahindranir. En að setja alla við sama borð varðandi vigtun afla úr auðlindinni getur aldrei talist til viðskiptahindrana. Það heitir jafnræði og ætti að vera grundvallarregla.

[Báran (IP-tala skráð) 4.3.2009 kl. 22:01]

Vigtunin Hafsteinn er sérkapítuli í fiskveiðistjórnunarkerfinu. Rangir slægingarstuðlar og línuívilnun gerir það að verkum að tonnið hjá smábátunum telst aðeins rúmlega 800 kíló við vigtun. Það er 20% afsláttur af tonninu. Hvar er jafnræðið þarna?