Persónukjör innan flokkakerfis

Persónukjör með einhverjum hætti hlýtur að vera áhugaverður kostur. Líklegast verður það þó innan flokkakerfisins og þá þannig að flokkarnir stilla upp lista frambjóðenda en síðan getur kjósandi raðað á listann, sem hann kýs, í kjörklefanum. Kjörseðill yrði hins vegar ógildur raði fólk upp á annan lista en það kýs. Þannig ræðst það ekki í prófkjöri, forvali eða uppstillinganefndum hverjir verða í efstu sætum hvers lista. Það verður ekki ljóst fyrr en eftir kosningar.

Ég man eftir sameiginlegu prófkjöri allra flokka á Akranesi fyrir bæjarstjórnarkosningar með þessum hætti. Mig minnir að þetta hafi verið fyrir um 30 árum og þótti takast vel. Veit ekki af hverju slíkt hefur ekki verið gert aftur.

Hvetja til persónukjörs strax

Athugasemdir

[Óskar Þorkelsson, 22.2.2009 kl. 18:19]

ég vil kjósa persónur en EKKI flokka.. en hver tekur mark á mér ?

[Haraldur Bjarnason, 22.2.2009 kl. 18:30]

Með þessu móti kýst þú persónur. Þær verða bara að vera allar í sama flokki. Hitt að kjósa einstaklinga án þess að flokkar bjóði fram held ég að yrði erfitt í framkvæmd og þyrfti stjórnarskrárbreytingu til. Þá yrðu væntanlega allir kjósendur á Íslandi í kjöri og er í sveitarstjórnarkosningum í smæstu sveitarfélögunum.

[Guðmundur Eyjólfur Jóelsson, 22.2.2009 kl. 18:40]

Við þurfum ekkert að finna upp hjólið í þessum efnum .í Finnlandi eru einmitt svona fyrirkomulag á kosningum, þar sem kjósandi raðar á listan sem hann kýs ,ætla má að það taki ekki langann tíma til að fara og kynna sér þessi mál þar og aðlaga að Íslandi .

[Haraldur Bjarnason, 22.2.2009 kl. 18:48]

Sammála Guðmundur. Þetta er einfaldasta leiðin til að fólk hafi áhrif á hvaða menn lenda á þingi.

[Hafsteinn Viðar Ásgeirsson, 23.2.2009 kl. 09:55]

Gæti ekki verið meira sammála. Svona á að gera þetta. En veriði viss, það kemur fram andstaða sem stöðvar allar breytingar á þessu kerf.