Skrúfa fyrir rafmagnið til Alcoa

Gaman verður að fylgjast með umræðu um álver á Bakka fyrst Ólöf Norðdal kona Tómasar forstjóra álvers Alcoa-Fjarðaáls ætlar að hefja þá umræðu, Kolla bendir henni eflaust á fjallagrösin á hálendi Austurlands en hvernig væri að þingmenn Austurlands, sem eru nú ekki margir í dag eftir að Norðlendingar yfirtóku kjördæmið, færu aðeins að skoða málin fyrir austan. Kaupfélagið og Malarvinnslan farin á hausinn. Ætlar Alcoa að taka við þessu öllu? Hvað með Egilsstaði og Héraðsbúa alla ásamt Jökuldælingum, sem studdu þessa uppbyggingu og leyfðu yfirgang Smára Geirssonar og fjarðamanna um sín lönd. Er ekki bara einfaldast að skrúfa fyrir rafmagnið þar til Alcoa kemur atvinnumálum á Héraði í lag?

Tekist verður á um Bakka

Athugasemdir

[Þórbergur Torfason, 10.2.2009 kl. 23:26]

Gleðitíðindin eru þau að eðalkratinn Tryggvi Harðarson sveitarstjóri Þingeyjarsveitar tekur undir með Steingrími J um að reisa kísilverksmiðju á Bakka frekar en álver. Enda er það allt í lagi svo lengi sem við þurfum ekki að borga rafmagnsreikninginn fyrir þá verksmiðju eins og álver Alcoa á Reyðarfirði.

[Árni Gunnarsson, 10.2.2009 kl. 23:34]

Já þó það nú væri að sjálfstæðismenn fari nú að sýna kommúnistastjórn Jóhönnu Sigurðardóttur í tvo heimana. Nú ríður á sem aldrei fyrr að sýna að með nýjum leiðtoga kemur ný og byltingarkennd sýn á uppbyggingu atvinnu í þessu landi. Og þetta er reyndar dálítið kunnugleg sýn. Mig minnir að álbræðsla hafi borist hingað frá iðnríkjunum á meginlandinu sem voru orðin uppiskroppa með andrúmsloft handa ört vaxandi fólksfjölda og ruslahaugar farnir að þrengja að fólkinu. Sjálfstæðismenn ráku upp fagnaðaröskur og boðuðu Íslendingum hraðferð inn í framtíðina!

Og þeir eru enn á sama þroskastigi blessaðir angarnir.

Mikið óskaplega held ég að Kolbrún Halldórsdóttir sé komin með stóran kvíðahnút í magann. 

[guðmundur Fr. Matthíasson (IP-tala skráð) 10.2.2009 kl. 23:38]

kolla á bara að vera skrúa fyrir kalta vatnið þegar ekki er verið að nota það.

[Benedikt V. Warén, 11.2.2009 kl. 08:10]

Einkennilegt að geta tönglast enn og aftur á því að almenningur sé að borga fyrir rafmegnið til Alcoa.  Eftir 25 ár eigum við þessa virkjun skuldlaust og þá er þetta gullkvörn fyrir þjóðarbúið.  Borgaði þjóðin ekki fyrir Búrfell og allar þær virkjanir og raflínur sem þurfti að byggja, til þess að koma rafmagni í Straumsvík, Grundartanga og Norðurál??

Rétt er að minna einu sinni enn á að Marshallhjálpin til þjóðarinnar var notuð til að byggja Sementsverksmiðjuna á Akranesi, Áburðarverksiðjuna í Gufunesi og til þess að koma upp Sogsvirkjununum. 

Reyk-víkingarnir (útrásar-víkingarnir eru afkomendur þeirra) slógu eign sinni á Sogsvirkjanir og notaði þær síðan sem gjaldmiðil til að komast inn í Landsvirkjun með eignarhlut.  Reyk-víkingarnir voru að S T E L A af þjóðinni og enginn sagði neitt, því þeir áttu svo voðalega bágt á þeim tíma.

[Magnús Sigurðsson, 11.2.2009 kl. 09:06]

Hvernig væri það fyrir þingmenn að fara og snúa sér að alvörunni núna frekar en að stofna til ræðukeppni um stóriðjumál? 

Varla hefur Kolbrún skipt um skoðun en það skiptir bara ekki nokkru máli.  Hún vermir þann stól sem hún nú situr í hvort því sem er ekki nema 74 daga til viðbótar og það verða ekki byggðar neinar virkjanir á meðan þó svo hún hefði umpólast nýlega.