Slíta á öll tengsl

Sollu er ekki alls varnað í þessum málum. Nú á bara að láta kné fylgja kviði og slíta á öll tengsl við Ísraelsmenn þar til þeir hætta þessum morðum á Gaza. Hamas samtökin eru að vísu engin englasamtök en það réttlætir á engan hátt stórárásir Ísraelsmanna, sem í skjóli Bandaríkjamanna, ráða yfir stærstu og mannskæðustu stríðstólum heims. Nú síðast forsfórsprengjur sem strádrepa og brenna fólk. Þá er ekki spurt um hverjir verða fyrir.

Heimsókn Ísraela til Íslands afþökkuð

Athugasemdir

[Guðjón Ólafsson, 16.1.2009 kl. 18:24]

Til hvers að slíta á tengsl við ísrael ?

þeir eru einu sem þora að rasskella þessa skæruliða sem fela sig innan um börn og saklaust fólk og skjóta þaðan.

og auðvita verða einhverjar fórnir af þess völdum

[Haraldur Bjarnason, 16.1.2009 kl. 18:28]

Æi, Guðjón, hvernig hugsarðu? - Er eitthvað til sem réttlætir fjöldamorð? - Það er nú öllu meira en rassskelning að strádrepa almenning. - Hvaða fórnir ertu að tala um?

[Víðir Benediktsson, 16.1.2009 kl. 19:09]

Ef þeir geta ekki tekið nokkra glæpamenn fasta án þess að strádrepa saklaust eru þeir orðnir verri en glæpamennirnir.  Þetta er kallað heigulsháttur.

[Magnús Sigurðsson, 16.1.2009 kl. 21:56]

Það vill oft gleymast að Hamas unnu lýðræðislegar kosningar í Palestínu, en Ísrael viðkennir ekki Hamas og Hamas ekki Ísrael.  Bandaríkin og önnur vestræn lýðræðisríki viðurkenna ekki heldur Hamas.  Birtingarmynd lýðræðisins er oft furðulega hræsnisfull.

Hamas er margt fleira en hryðjuverkasamtök, þau sjá um skóla, sjúkrahús og margar stofnanir samfélagsins.  Þess vegna telja Ísraelsmenn sig vera í rétti með að láta sprengjum rigna hvar sem er á Gaza jafn vel á UN. 

Hvorki utanríkisráðherra né ríkistjórn Íslands mun hafa kjark til að slíta stjórnmálasambandi við Ísrael.  Þeirra afstaða mun meira birtast sem lýðskrum innanlands.

[Jón Halldór Guðmundsson, 17.1.2009 kl. 15:54]

Bara frábært hjá utanríkisráðherra!