Klúður

Það væri eftir öðru að ríkisstjórnin félli á tíma í þessu máli. Það er algjört klúður að láta ekki reyna á það fyrir alþjóðlegum dómstólum hvort Bretum hafi verið heimilt að nýta sér hryðjuverkalög við árásir á íslensk fyrirtæki í Bretlandi. Framsóknarformannsframbjóðandinn Sigmundur Davíð kemur nú sterkur inn með því að vekja athygli á þessum seinagangi íslensks stjórnkerfis.

Fresturinn að renna út

Athugasemdir

[Jakobína Ingunn Ólafsdóttir, 4.1.2009 kl. 22:11]

Ríkisstjórnin vill ekki þessi málaferli því með þeim verður afhjúpaður skítur sem þeir leyna. Hvers vegna gengur ríkistjórnin að samningum sem sliga munu þjóðina.

Jú þeir vilja leyna einhverju og fórna almenningi á altari þessarar leyndar.

[Haraldur Bjarnason, 4.1.2009 kl. 22:57]

Ætli þú hittir ekki naglann á höfuðið þarna Jakóbína? Skítmoksturinn hér heima gengur hægt og eflaust óttast ráðherrarnir ýmislegt sem gæti komið í ljós ytra líka.

[Hólmdís Hjartardóttir, 4.1.2009 kl. 23:08]

[Rakel Sigurgeirsdóttir, 5.1.2009 kl. 01:49]

Ég held að Jakobína hitti einmitt naglann á höfuðið! Hver gæti skýringin annars verið? Ég finn a.m.k. enga líklegri en þá að þeir vita að málshöfðun myndi leiða af sér rannsókn sem myndi leiða ýmislegt í ljós sem þeir vilja ekki að komi fram í dagsljósið. Þeir eyða sennilega allri sinni orku núna til að búa til „sennilega“ skýringu á því að að ekki var höfðað mál

[Magnús Sigurðsson, 5.1.2009 kl. 16:10]

Held að þetta sé rétt hjá Jakobínu.  Þessar 50 milljónir sem skammtaðar voru í þetta af Alþingi verða notaðar af Sigurði Kára (þingmanninum),  Helga Áss (kvótakerfissérfræðing) og Sigmundi Davíð (formannsefni framsóknar) osf.. Að sögn til að kynna "málstað" Íslands.  En í raun munu þeir aðeins kynna sjálfa sig,  hér um opinbert framlag til þess að kynna nýja stjórnmála menn til sögunnar.