Af hverju í...?

Af hverju í andsk....slíturðu þá ekki þessu stjórnarsamstarfi við Sjálfstæðisflokkinn? Það hefur aldrei verið neinum stjórnmálaflokki til góðs að vera í samstarfi við þann flokk. Eiginhagsmunasemin er einfaldlega of mikil þar á bæ.

Ingibjörg: Orsökin liggur í ofsafrjálshyggjunni

Athugasemdir

[Sigríður Jósefsdóttir, 15.12.2008 kl. 18:01]

Af hverju í ósköpunum gerði manneskjan þá ekkert í málinu þegar hún var komin í aðstöðu til þess? (þ.e. í ráðherrastól).  Og heldur hún því fram í alvöru að hún sé að standa vörð um velferðina, þegar verið er að skera allt niður, almenningur í landinu að fara á hliðina sökum vaxtaokurs, verðbólgu, og svo ofan á allt vísitöluhækkun samhliða hækkunar á matarverði, bensíni, áfengi (jú, segjum svo að ég hætti að kaupa ódýra rauðvínið sem ég leyfi mér einstaka sinnum að kaupa, og færi að hjóla í vinnuna, þá fer þessi hækkun inn í vísitöluna, sem aftur hækkar lánin mín - þarf ég að segja meira?).  Mín skilaboð til ISG og ríkisstjórnarinnar: Farið frá, skipið þjóðstjórn hæfra manna til að koma okkur út úr þessum vanda sem fjárglæframenn og slæmir ráðgjafar eru búnir að koma okkur í.  Og síðast en ekki síst, hættið þessari vitleysu með ESB, það skilar okkur engu (nema kannski auknu atvinnuleysi sem við þurfum síst af öllu á að halda).

[Sigurjón Þórðarson, 15.12.2008 kl. 18:33]

Það þýðir ekkert fyrir ISH að afneita allri ábyrgð en hún hefur tafið fyrir rannsókn á málum - Enginn nema einn millistjórnandi hefur verið kallaður til yfirheyrslu vegna hrunsins. 

Stjórnarsáttmáli S og D undirstrikar blinda trú leiðtoganna á skuldsettu útrásina en hér er kafli stjórnarsáttmálans sem fjallar um atvinnulífið:

Kraftmikið atvinnulíf

Íslenskt atvinnulíf mun einkennast í sívaxandi mæli af þekkingarsköpun og útrás. Samstarf atvinnulífsins og íslensku háskólanna er lykill að bættum árangri og nýsköpun í atvinnurekstri. Ríkisstjórnin mun styðja menningu og listir sem mikilvægan hluta af aðdráttarafli landsins og vaxandi uppsprettu útflutningstekna. Íslensk fyrirtæki eru í harðnandi samkeppni við erlend fyrirtæki, bæði heima og heiman, og á næstu árum mun hugvit og tækni- og verkþekking ráða úrslitum um velgengni íslenskra fyrirtækja. Ríkisstjórnin vill skapa kjörskilyrði fyrir áframhaldandi vöxt, útflutning og útrás íslenskra fyrirtækja, m.a. með aðgerðum til að efla hátækniiðnað og starfsumhverfi sprotafyrirtækja, svo sem með eflingu Rannsóknasjóðs og Tækniþróunarsjóðs. Í umbreytingu íslensks atvinnulífs á undanförnum árum felst meðal annars aukið vægi ýmiss konar alþjóðlegrar þjónustustarfsemi, þar á meðal fjármálaþjónustu. Ríkisstjórnin

1

stefnir að því að tryggja að slík starfsemi geti áfram vaxið hér á landi og sótt inn á ný svið í samkeppni við önnur markaðssvæði og að útrásarfyrirtæki sjái sér áfram hag í að hafa höfuðstöðvar á Íslandi. Áhersla verður lögð á að efla Fjármálaeftirlitið til þess að íslenski fjármálamarkaðurinn njóti fyllsta trausts. Tímabært er að leysa úr læðingi krafta einkaframtaksins svo að íslensk sérþekking og hugvit fái notið sín til fulls í útrás orkufyrirtækja. Mikilvægt er að heilbrigð samkeppni og eðlileg verðmyndun þrífist á öllum sviðum atvinnulífsins og að neytendur njóti góðs af þeirri samkeppni. Efla skal samkeppniseftirlit í því skyni. Ríkisstjórnin leggur áherslu á mikilvægi öflugs landbúnaðar og hágæðaframleiðslu á matvælum í landinu. Unnið verði að endurskoðun landbúnaðarkerfisins með það fyrir augum að auka frelsi, bæta stöðu bænda og lækka verð til neytenda. Tryggja skal stöðugleika í sjávarútvegi. Gerð verður sérstök athugun á reynslunni af aflamarkskerfinu við stjórn fiskveiða og áhrifum þess á þróun byggða

[Johanna þórkatla (IP-tala skráð) 15.12.2008 kl. 19:11]

Mikið langlundargeð hafa íslendingar, miklu meir en aðrar þjóðir.  ég hugsa að þetta byggist á veðráttunni. Fólk hugsar þannig "að öll él birta upp um síðir".  En það á bara ekki við núna, því miður.  Þessari martröð er ekki lokið  hún er bara rétt að byrja. Og að formaður Samfylkingar Ingibjörg Sólrún skuli getað litið framan í nokkra manneskju það bara skil ég ekkrt í.  Ég get fyrirgefið Geir, því hann starfar nú fyrir Sjálfstæðisflokkinn, og allir vita að þar á bæ er enginn vinur litla mannsins.  Þ.e.a.s. venjulegu fólki sem er að kaupa þak yfir höfuðið.  En að Ingibjörg skuli sökkva djúpt sem hún hefur gert.  Hún hefur algjörlega gengið frá Samfylkingunni....... Vonandi hefur hún manndóm til að segja af sér sem fyrst.  Allt sem hún hefur sagt og gert undanfarnar vikur er vægast sagt hægra megin við Íhaldið.