Batnandi mönnum er best að lifa

Páli Magnússyni og félögum í Efstaleitinu var hreinlega ekki stætt á öðru en að hætta við þessa ákvörðun um að stöðva svæðisútsendingarnar fyrst aðgerðirnar voru í nafni sparnaðar. Einfaldlega vegna þess að hagnaður er af svæðisútsendingum. Auk þess hafa Páll og hans lið líklega haldið að þeir sem búa í landshlutunum myndu taka þessu þegjandi, en raunin var önnur, enda eru dyggustu hlustendur RÚV á landsbyggðinni. Allt blaður Páls í fjögur fréttunum um að hagræðing næðist annars staðar er bull. Það þarf enga hagræðingu þegar hagnaður er. - Batnandi mönnum er best að lifa.

Svæðissendingar halda áfram

Athugasemdir

[Rannveig H, 4.12.2008 kl. 16:55]

Það er gott að þetta er komið í höfn. En ég er enn á því að hann á að taka pokan sinn það væri besta hagræðingin. Páll bullar!

[Víðir Benediktsson, 4.12.2008 kl. 17:03]

Hef enga trú að að Páll hafi batnað. Hins vegar trúi ég því að Sjálfstæðisflokkurinn hafi séð fram á enn meira fylgistap en orðið er og tekið í lurginn á karlinum. "Svona gerir maður ekki" sagði einhver um árið.

[Magnús Sigurðsson, 4.12.2008 kl. 17:19]

Eins og ég sagði um daginn Halli, þá trúði ég þeim ekki til að vera þannig innrættir að loka svæðisstöðvunum.  Nú hefur einhver komið vitinu fyrir einhvern.

[Jóhanna Hafliðadóttir, 4.12.2008 kl. 18:46]

Og svo þegar þeir föttuðu þetta með auglýsingatekjurnar  En við svæðisútvarpvinir fögnum og vonum að þeir fatti fleiri líka - svona eins og t.d. txt og svoleiðis smotterí.

[Jóhanna Hafliðadóttir, 4.12.2008 kl. 18:46]

Meina fleiri hluti líka  ...

[Haraldur Bjarnason, 4.12.2008 kl. 19:59]

Tek undir með þér Jóhanna. Textavarpið og svo á að draga uppsagnir reyndra starfsmanna til baka. Ég er gráti nær yfir að Jan Murtoma tæknimanni hafi verið sagt upp. Jan er snillingur á sínu sviði enda er ég viss um að aðrir rífast um að fá hann í vinnu. Veit ekki hverjir hinir eru en þetta er allt gott fólk sem vinnur hjá RÚV. Rannveig rétt, Palli varð einhvern veginn að réttlæta þessar hugmyndir sínar og þá bullar hann bara. Víðir og Maggi: Það hefur verið kippt rækilega í spotta. Enda ekki hægt að spara í því sem rekið er með hagnaði. Það er víða hægt að taka til í Efstaleitinu en á svæðisstöðvunum vinnur sko fólk örugglega fyrir kaupinu sínu og skilar peningum inn í kassann hjá RÚV. - Flytjum yfirstjórn RÚV á landsbyggðina!!

[Jóhanna Hafliðadóttir, 4.12.2008 kl. 22:57]

Og náum aftur gömlu útvarpsstjóramublunum! Nei í alvöru Halli - það er ekki hægt að skilja sumar af þessum uppsögnum og alls ekki Jan. Mér skilst að þeir hafi afrekað að reka þrjá trúnaðarmenn en sáu að sér og hættu við að reka einn af þeim (þ.e. Báru).

[Haraldur Bjarnason, 4.12.2008 kl. 23:23]

Já Jóhanna. Bára slapp, sem betur fer, þegar hún var að labba út úr dyrunum. Hvernig er þessi gamli vinnustaður okkar orðinn? Hvernig heldurðu að stemningin sé núna? Þarna var alltaf gaman og allir ánægðir með hvern vinnudag. Þetta er synd Jóhanna. - Kannski erum við bara á einhverju gömlu flippi? - Veit ekki