Yfirklór frá týndum þingmanni

Ég er viss um að Jón er skíthræddur við kosningar, þótt hann segi annað. Það að Björgvin og Þórunn vilji kosningar er auðvitað skynsamlegt. Það þarf að stokka upp í öllu kerfinu áður en ný sókn hefst á ný. Flokkarnir þurfa smá tíma til að endurnýja í sínu liði og svo á líka að grípa tækifærið og búa til nýja yfirpeningastofnun með sameiningu Seðlabankans og Fjármálaeftirlitsins. Þar þarf að fá góðan fagmann til að stjórna og um leið er auðvelt að losna við Davíð. Þetta rugl í Jóni um þreytu Þórunnar og Björgvins er bara yfirklór frá týndum þingmanni, sem lítið hefur heyrst frá og er því án efa óþreyttur.

Gagnrýnir Björgvin og Þórunni

Athugasemdir

[Jón Snæbjörnsson, 21.11.2008 kl. 09:11]

Nokkuð til í þessu hjá þér, ég hefði viljað sjá skiptingar/hrokeringar á völdum "slösuðum" þingmönnum sem og ráðherrum frekar en kosningar - ansk hræddur um að við getum ekki leift okkur að eiða 4 - 5 mánuðum í þess háttar mál akkúrat núna - eða hvað

[Margrét (IP-tala skráð) 21.11.2008 kl. 09:38]

Ef fólk hefur almennt áhuga á því að vera lengur að ná sér upp úr þessu ástandi þá endilega blása til kosninga nú.  Hins vegar ef fólk ætlar sér að vinna markvisst að því að ná sér upp úr ástandindu á eins stuttum tíma og mögulegt er þá höldum við áfram með þessa stjórn eins og hún er, vissulega þurfa Björgvin og Þórunn að fá áminningu enda er það ljóst að orð þeirra hafa nú þegar eyðulagt fyrir uppbyggingunni, meir en margur heldur.

Hvernig haldið þið að það líti út fyrir þá aðila sem eru að lána okkur miljarða á miljarða ofan að fá að heyra það nánst klukkutíma eftir að búið sé að samþykkja lánið að snillingarnir á Íslandi ætli nú ofan á allt að fara að skella sér í kosningabaráttu með öllu tilheyrandi.  Ætlar bullinu aldrei að linna.

[Björk (IP-tala skráð) 21.11.2008 kl. 11:07]

Það er ekki spurning um að skella sér í kosningabaráttu heldur væri það mjög eðlilegt framhald af þessu öllu að boða til kosningar í vor. Á meðan hafa flokkarnir tíma til að hreinsa aðeins til inná við ... það er þar sem baráttan á að eiga sér stað!  

[Hólmdís Hjartardóttir, 21.11.2008 kl. 11:49]

Kosningar í vor........utanþingsstjórn þangað til.  Auðvitað er sjálfstæðisflokkurinn hræddur við kosningar.

[Björk (IP-tala skráð) 21.11.2008 kl. 11:59]

sagði ég í vor? jafnvel í haust væri í lagi ... nei takk, engin utanþingsstjórn það er of seint og ekki góð skilaboð út á við núna ...

[Hólmdís Hjartardóttir, 21.11.2008 kl. 12:02]

Ég held að það séu ekki góð skilaboð út á við að sitja uppi með sömu stjórn og stjórnendur Björk.

[Björk (IP-tala skráð) 21.11.2008 kl. 12:18]

nei nei það er rétt en þessi ímynd er þegar farin ... mér finnst nauðsynlegt að leyfa þeim sem núna sitja að klára sín mál ... alltaf að horfa fram á veginn

[Haraldur Bjarnason, 21.11.2008 kl. 13:23]

Það má gefa þeim séns fram á haustið. Þá ætti að vera komið í ljós hvort hjakkið í stjórninni núna ber einhvern árangur. En það á sameina Fjármálaeftirlitið og Seðlabankann strax og ráða þangað hæfan mann. Við höfum ekki efni á að vera með kexruglaðan pólitíkus yfir Seðlabankanum lengur.

[Rut Sumarliðadóttir, 21.11.2008 kl. 16:25]

Við erum rúin öllu trausti í umheiminum í kring um okkar að ég tali nú ekki um landann. það þarf að skipta út fólki til að við öðlumst traust aftur. Hvernig það verður gert er aukaatrið þannig séð. Utanþingsstjórn hljómar alltaf betur og betur í mín eyru. En kosningar eru ekki spurning, bara hvenær.