Svona virka stýrivextir

Stýrivextirnir virka á þennan hátt hér á landi en engan annan. Þeir eru verðbólguhvetjandi og auka ekkert traust á krónunni eins og marg oft hefur sýnt sig við reglulegar hækkanir á þeim þetta árið. Fyrirtæki og almenningur í landinu bera því byrðarnar af ráðleysi Seðlabankamanna og stjórnmálamanna, sem virðast hafa samþykkt þetta skilyrði IMF, þótt þeir hafi sagt annað.

Landsbankinn hækkar vexti

Athugasemdir

[Maelstrom, 31.10.2008 kl. 15:46]

Verðbólguhvetjandi?  Hvernig færðu það út?

[Guðmundur Ásgeirsson, 31.10.2008 kl. 16:01]

Við þetta hækkar kostnaður fyrirtækja, sem hækkar vöruverð = verðbólga. Sáraeinfalt reikningsdæmi, og svo til að bæta gráu við svart þá hækka vextir á einstaklinga líka þannig að þeir eiga minna afgangs til að verlsa fyrir, sem eykur enn við verðbólguáhrifin. Þetta er vítahringur sem er ekki hægt að komast út úr öru vísi en að taka í handbremsuna og núllstilla allt saman. Þeir sem taka þessar ákvarðanir virðast ekki vera í nokkurri snertingu við veruleikann!

[Haraldur Bjarnason, 31.10.2008 kl. 16:06]

Hárrétt Guðmundur. Þetta er ekki flókið, þú sérð það Maelstrom.

[Hólmdís Hjartardóttir, 31.10.2008 kl. 16:13]

þessi hækkun stýrivaxta er það vitlausasta sem hægt var að gera í stöðunni

[Maelstrom, 31.10.2008 kl. 16:45]

Held reyndar að hugmyndin sé að hærri stýrivextir auki kostnað heimila sem dragi úr eyðslu þeirra.  Minnkandi eftirspurn lækki verð.  Er ekki alveg viss um að það virki á Íslandi.  Hærri stýrivextir styrkja reyndar gengi krónunnar í eðlilegu árferði, sem lækkar verðbólgu.

Í núverandi ástandi er röksemdin einföld:  Núna er verið að skammta gjaldeyri.   Til stendur að láta krónuna á flot en menn eru hræddir við að krónan veikist gríðarlega í kjölfarið sem mun orsaka brjálaða verðbólgu.  Með hærri stýrivöxtum á að koma í veg fyrir að menn fari allir úr krónunni þegar hún fer á flot.  Vonandi verður þetta mjög stutt tímabil, þar til gengið hefur náð jafnvægi aftur.  

M.ö.o. er verið að segja að skammtímavaxtakostnaður fyrirtækja sé aukaatriði m.v. gengi krónunnar.  Ég er eiginlega sammála því.  Vona bara að fyrirtækin lifi þetta af.

[Víðir Benediktsson, 31.10.2008 kl. 17:49]

Svo er eitt sem gleymist. Það að hækka stýrivexti eins og gert var er veikleikamerki sem aftur leiðir til þess að minnka trú manna á íslenskum efnahag. Þó tilgangurinn sé góður getur hann virkað öfugt. Það að stýrivextir séu yfirgengilega háir þýðir að eitthvað verulega mikið sé að og eykur ekki tiltrú umheimsins nema síður sé.

[María Guðmundsdóttir, 31.10.2008 kl. 18:02]

held ad sú tiltrú sé hvort sem er rokin úti vedur og vind.

en samt sem ádur varla viskulegt ad hækka stýrivextina, held thad kolfelli fyrirtækin algerlega..sem virdist vera ad gerast.