Ólafur Ragnar veit sínu viti

Var að horfa á viðtal við Ólaf Ragnar Grímsson, forseta Íslands, á Stöð 2. Það er ekki oft sem ég, gamli RÚV-hundurinn, sleppi byrjun frétta á RÚV til að horfa á Stöð 2, en nú gerðist það. Ólafur Ragnar fór á kostum og skaut undir rós á Davíð án þess að nefna hann á nafn. Við ættum að muna það að þegar síðasta þjóðarsátt var gerð, sem var grunnurinn að uppgangi í íslensku efnahagslífi í áratugi, þá var Ólafur Ragnar fjármálaráðherra og hafði frumkvæði. Þar er maður sem veit sínu viti, hlustum á hann, burt með Davíð. Það kæmi mér ekki á óvart að forsetinn kæmi okkur til bjargar á þessum krepputímum.

Athugasemdir

[Hólmdís Hjartardóttir, 3.10.2008 kl. 19:39]

kannski sambönd forsetans við Indland og Kína eigi eftir að koma sér vel.  Kínverjar eiga stærsta gjaldeyrissjóðinn og okkar fólk hefur nú verið með annan fótinn þar.

[Gunn (IP-tala skráð) 4.10.2008 kl. 10:18]

Hehe... og ætli fátæklingarnir og betlararnir á götum Kalkútta fari að safna saman fyrir okkur líka!  Kanski móðir Theresa stígi upp frá gröf sinni til að hjálpa okkur svo við fáum að halda flatskjáunum og jeppunum og að við getum áfram komist til útlanda og borgað af 5 miljón krónu eldhúsinnréttingunni og ekki gleyma sumarbústaðnum.

Höfuðvandamálið er heimska, græðgi og grunnhyggni okkar sjálfra.
Við erum að röfla um Davíð og einhver minniháttar pólítisk mál sem er algjör titlingaskítur. Um hver sagði hvað á hvaða fundi.... eða undir rós.
Öll erum við Íslendingar og það var að mínu mati boðskapur forseta Íslands og nú ríður á að við stöndum saman.  Ögurstundin er runnin í íslenskum efnahag.  Þetta kemur til með að hafa áhrif á okkur, börn og okkar barnabörn.  Það er ljóst að Íslenska ríkið með Seðlabanka Íslands getur ekki bjargað fjármálalífi þjóðarinnar.  Þeir standa núna í sporum Nói sem veit að syndaflóðið er að skella á og þurfa að velja hverjum á að bjarga og hverjum á að kasta fyrir róða.
Allir eru bundir einhverjum með flokkpólítískum, fjárhagslegum,  ættar eða vinatengslum.  Þessar aðgerðir þurfa að gerast núna um helgina.

Það koma til með að bíða tugþúsundir erlendra sparifjáreigenda á mánudaginn, eftir tæpa 2 sólarhringa, við dyr "íslensku" bankanna erlendis og þeir vilja ekki íslenskar krónur.  Fyrir kl. 06.00 á mánudaginn (Ísland er 2 tímum á eftir miðevróputímanum) þurfa þeir að hafa lausn á þessu.
Til að setja þetta í samhengi þá er norski seðlabankinn búinn að borga 71 miljarð Nkr i fyrradag og 57 miljarða Nkr í gær þetta gerir um 2500 miljarðar íslenskra króna  sem eru og búast menn við að það verði ennþá hærri upphæðir lagðar til í næstu viku og það er í landi með mjög traust bankakerfi.  Bankakerfi Noregs er hlutfallslega smátt miðað við stærð hagkerfisins. Hér eru menn menn að gæla við að flytja lífeyriseignir þjóðarinnar erlendis  inn í hagkerfið sem eru um 500 miljarðar. Núna er eina von íslenska fjármálakerfisins núna er að fá geysilegan stuðning frá norrænu seðlabönkunum hugsanlega Evrópska seðlabankans væntanlega þurfa 3000 - 4000 íslenskir miljarðar til en Bandaríkjamenn hafa augljóslega sagt nei. það verði að mynda þjóðstjórn til að hindra að þessi sáraukafulla björgun gangi sem snurðulausust.  Þeir þurfa væntanlega að skera hvalinn Kaupþing út úr íslensku fjármálalífi sem verður sársukafullt.

Öll útgerðarfyrirtæki landsins eru núna orðin tæknilega gjaldþrota, eigið fé og eignir í krónum meðan skuldir eru í erlendri mynt mikilvægast að styrkja þær og halda lífinu í gjaldeyrisskapandi atvinnugreinum og tryggja nauðsynja, þar á meðal olíuinnflutning.  Veturinn er að skella á......