Eðlilegt að byrjunarlaun þessara stétta séu þau sömu

Er ekki læknanámið álíka langt og ljósmæðranámið? Hvort tveggja er í heilbrigðisstétt og því verið að fást við svipaða hluti. Er þá ekki bara eðlilegt að byrjunarlaun lækna verði hin sömu og byrjunarlaun ljósmæðra. Hvorki hærri né lægri.

Síðasta hálmstráið á morgun

Athugasemdir

[AE (IP-tala skráð) 19.9.2008 kl. 20:20]

Nei það er ekki eðlilegt Læknanámið og þjálfunin öll árin á eftir er ekki sambærilegt við ljósmæðranámið, ljósmæður eru sérhæfðir hjúkrunarfræðingar, líkt og skurðstofuhjúkkur og gjörgæsluhjúkkur. Læknanámið er mun dýpra og yfirgripsmeira.

Kv, AE

[Haraldur Bjarnason, 19.9.2008 kl. 20:23]

Er ekki rétt að árin í háskóla séu 6 í báðum tlvikum?

[Margret (IP-tala skráð) 19.9.2008 kl. 21:01]

Nei grunnurinn er 6 ár, svo bætist sérhæfingin við...

http://www.hi.is/en/is/heilbrigdisvisindasvid_deildir/laeknadeild/nam/laeknadeild/10215

[Ragnar Freyr Ingvarsson, 19.9.2008 kl. 21:02]

Sæll Haraldur.

Rétt er að bæði læknanám og ljósmæðranám eru sex ár innan HÍ. Innihald námssins er afar frábrugðið og hvet ég þig til að skoða slíkt á vef háskólans. Á Íslandi er ljósmæðranám framhald á hjúkrunarnám, líkt og skurðhjúkrun og svæfingarhjúkrun. Allt gott og gilt nám. Án þess að lasta annað nám þá er læknanám gríðarlega krefjandi og erfitt nám.

Það er líka þannig að læknar bera ábyrgð á því sem fer fram á sjúkrahúsum ekki neinn annar. Hvað sem aðrir segja er það læknirinn sem hefur þetta á sýnum herðum. Slíkt verður að meta í launum. 

Það gengur ekki að læknir sem hefur lokið 6 árum í háskólanámi og að auki einu kandidatsári og starfar síðan á spítala og ber ábyrgð á því sem þar fer fram sé með lægri laun en aðrar stéttir á spítala.

Ég vil taka það fram að ég óska ljósmæðrum innilega til hamingju með kjarabætur sínar. Þær hafa verið til fyrirmyndar í sinni baráttu og staðir sig eins og hetjur!!!

Með kveðju,

Ragnar Ingvarsson

læknir í sérnámi

[Guðrún Þóra Hjaltadóttir, 19.9.2008 kl. 21:14]

Hvar eigum við þá að setja alþingismannin eða ráðherrann. Sumir þingmenn hafa stutt nám að baki, eigum við að hafa þá þar ? Mér finnst það sanngjarnt, ekki veit ég hvað Guðfinnu Bjarnad. finnst um það.

[Helga (IP-tala skráð) 19.9.2008 kl. 21:38]

Vil taka undir það sem Ragnar hefur þegar sagt, en bæta því við að ljósmæður á launum síðustu tvö árin í náminu því það er fyrst og fremst starfsnám.

Tek sömuleiðis undir það að þær hafa unnið hörðum höndum að sínum kjarabótum og eru mjög vel að þeim komnar.  Gaman var að sjá hvað ljósmæður höfðu mikinn meðbyr í sinni kjarabaráttu.

Þegar allt kemur til alls hins vegar er læknanámið mjög krefjandi, læknar bera gríðarlega ábyrgð í starfi og ættu að uppskera laun eftir því. Svo er því miður ekki raunin, amk meðal yngri lækna.  Enginn sér ofsjónum yfir því að ýmsar aðrar stéttir hafi mannsæmandi laun, t.d. verkfræðingar og lögfræðingar.  En þegar kemur að læknum er fólk oft tilbúið að þenja sig um að "mikið vilji meira".  Þetta mun líklega ekki breytast á næstunni.

Ungt fólk mun ekki velja að fara í læknisfræði ef svo heldur áfram að læknar uppskeri ekki í launum það sem það leggur í námið.  Er ekki viss um að sama hljóðið verði í strokknum meðal fólks ef fækkar mikið í stéttinni, ungir læknar vilja ekki koma heim að loknu sérnámi og fljótlega fer að fækka umsækjendum um læknanám.

[Pétur Snæbjörnsson (IP-tala skráð) 19.9.2008 kl. 21:49]

Svo vaknar sú spurning hvort ekki sé nóg að hafa ljósmæðranám 4 ára nám? Það virðist yfirdrifið að hafa þetta 6 ár. Hvernig er þetta erlendis?

[Haraldur Bjarnason, 19.9.2008 kl. 22:09]

Góðar og málefnalegar athugasemdir, en ég var þó fyrst og fremst að tala um byrjunarlaunin þarna en fyrst ljósmæðranámið er jafn langt og læknanámið finnst mér eðlilegt að launin séu þau sömu í byrjun. Framhaldið og reynsluna þarf svo að meta en rensla er þvi miður lítils metinu hjá ríkinu. Svo skulum við horfa á það að læknar virðast hafa svoldið frjálsa mætingu hjá ríkinu þegar frá líður. Eru á fulllum launum hjá spítölum og geta sinnt einkabísniss út í bæ, nokkuð sem ljósmæður geta ekki. Hvort tveggja eru mikilvæg störf eins og mörg önnur í þjóðfélaginu. En ég þigg fleiri skoðanir en takk fyrir það sem komið er.

[Guðrún Þóra Hjaltadóttir, 19.9.2008 kl. 22:10]

Þegar læknar koma síðan úr framhaldsnami hafa þeir himinhá laun flest hverjir.

Hvað með tannlækna á hverju ber hann ábyrgð ? Ekki lífi en sérhæfum verkjum.

Hvað með sérkennarann sem að mótar jafnvel barn sem ekkert gat til að verða virk manneskja.

Það er mjög erfitt að meta hvað er rétt.

[Hjörtur Haraldsson (IP-tala skráð) 19.9.2008 kl. 22:40]

Ég á mjög erfitt með að sjá hvernig það kemur hlutum við að sérfræðingar hafi það gott. Ég skora á hvern sem þorir að segja við unglækni á spítala að hann eigi að sætta sig við að slíta sig út til að sjá fyrir fjölskyldunni vegna þess að eftir 7-10 ár muni hann fá mannsæmandi laun.

Hvað varðar rökin um jafnhá laun fyrir jafnhá nám finnst mér viðeigandi að endurtaka það sem áður hefur verið sagt: Læknar bera ábyrgðina. Það kemur málinu við.

Við erum ekki að bera saman sérfræðingslækna við ljósmæður og það er alger afbökun á aðstæðum að gefa í skyn að þannig eigi að líta á hlutina.

Guðrún Þóra: Þó ég hafi vissulega samúð með kennurum sé ég ekkert hvað þeirra kjör koma þessu við. Og tannlæknar eru með fín laun, alveg frá byrjun.

[Haraldur Bjarnason, 19.9.2008 kl. 22:41]

úbbs, Friðrik Thor ég tala ekki um himinhá laun lækna. Það er Guðrún Þóra, bara svo það sé á hreinu. Mitt innlegg hefur bara verið um byrjunarlaun.

[Doddi - Þorsteinn G. Jónsson (IP-tala skráð) 20.9.2008 kl. 10:08]

Mér finnst punktur Guðrúnar Þóru réttmætur: hvernig á að meta það að þessar stéttir (læknar og ljósmæður) séu mikilvægari (lesist: betur launaðri) en t.d. kennarar og í mínu tilfelli bókasafnsfræðingar?

Kennarar eru þeir sem koma mörgum til manns, fyrir utan að miðla af visku sinni og námsefninu, þá þurfa þeir að kunna að glíma við ýmis vandamál nemenda sinna (t.d. ef það er einstaklingur af erlendu bergi brotinn í bekknum, einn heyrnardaufur, tveir með ADHD o.s.frv.) - það er ótrúleg glíma stundum hjá kennurum. Hvar er ábyrgð þeirra? 3-5 ára nám, sem skv. sumum punktum hér ætti þá ekki að vera metið til jafns til þá sem læra til sex ára.

Hver eru annars byrjunarlaunin hjá læknum og ljósmæðrum?

Af hverju hefur enginn komið með þær upphæðir hér? Það væri fróðlegt að sjá þær.

[Haraldur Bjarnason, 20.9.2008 kl. 10:36]

Get alveg tkið undir þetta með kennarana Doddi. Ítreka þó enn og aftur að mínar vangaveltur voru bara um byrjunarlaun tvrggja stétta með jafn langa háskólamenntun. Allt mat þar á eftir er erfitt og reynsla hefur jafnan verið lítils metin hjá ríkinu en þó er eitt apparat í landinu, sem metur laun æðstu embættismanna í landinu, kjaradómur, sem virðist alltaf hafa skilning á að menn þurfa góð laun. 

[Ragnar Freyr Ingvarsson, 20.9.2008 kl. 15:44]

Sæll Doddi. Byrjunarlaun læknis er 274 þús.  Hann hækkar í 282 eftir hálft ár í starfi. Eftir eitt ár fer hann í rúmlega 300 þús. 

Nýútskrifuð ljósmóðir var með 306 þús fyrir samninga sem núna hafa gefið þeim 22,6 prósent hækkun. 

Þær stéttir sem hafa tekið það að sér að sinna fólki, heilbrigðisstarfsfólk sem og aðrar stéttir sem sinna fólki eins og t.d. kennarar eru með alltof lág laun. 

Ég sem læknir vil að ljósmæður, hjúkrunarfræðingar, sjúkraliðar - fólk sem starfar mér við hlið séu með góð laun. Sama á við um aðrar umönnunarstéttir, kennara og alla. Að sama skapi finnst mér að læknar eigi líka að fá það sem þeir eiga skilið, sem er ekki gert í dag. Læknisstarfið er mjög krefjandi og erfið vinna sem ber að launa. 

Guðrún segir að læknar úr sérnámi hafi himinhá laun. Ekki gleyma að flestir læknar ljúka sérfræðinámi um fertugt. Þá hafa flestir aðrir, sem ekki eru læknar, unnið í 15 ár að sínum ferli. Vissulega fær maður laun meðan maður er í sérnámi - en þau eru arfaslök! Og til að skýra þá eru grunnlaun sérfræðings rétt um 400 þúsund - þá miðað við fullt starf. Allt annað kemur til að aukavinnu, yfirvinnu, vaktavinnu og svo meiri vinnu. 

Haraldur - það að læknar geti unnið fullt starf á sjúkrahúsi og svo unnið á stofu útí bæ er löngu liðin tíð. Allir læknar sem eru með stofur eru í hlutastarfi á sjúkrahúsinu. 

Með kveðju, Ragnar

[Haraldur Bjarnason, 20.9.2008 kl. 17:11]

Góðar upplýsingar Ragnar. Ef læknar eru með lægri byrjunarlaun en ljósmæður ber að hækka þau eins og ég nefni í pistlinum. Hitt getur vel verið að hafi breyst með lækna og viðveruskyldu þeirra. Held þó að þetta sé nokkuð frjálst enn.

[Ingibjörg (IP-tala skráð) 20.9.2008 kl. 19:02]

Ég get ekki setið á mér að leiðrétta nokkrar af ofangreindum upplýsingum. Byrjunalaun ljósmæðra voru um 260.000 krónur á mánuði fyrir samþykkt miðlunarsamningsins og hafa hækkað í rúm 300 þúsund krónur eftir samþykkt hans. Meðalgrunnlaun ljósmæðra voru 306.000 og inní þeirri tölu eru allar ljósmæður þar með taldir stjórnendur. Ef tekin eru meðaltalslaun allra lækna kemur væntanlega önnur útkoma en Ragnar nefnir hér að ofan! 

Ljósmæður eru ekki undirmenn lækna! Unglæknar sem lokið hafa 6 ára háskólanámi auk 1 árs kandidatsnáms eru ekki ábyrgir fyrir starfi ljósmæðra, hjúkrunarfræðinga né annara stoðstétta. Þeir bera ábyrgð á sínu starfi og starfa sjálfir undir ábyrgð sérfræðilækna eftir því sem ég kemst næst.

Hitt er annað mál. Unglæknar vinna gríðalega erfiða og mikla vinnu. Þeir eru undir ómannlegu álagi á sjúkrahúsum þar sem gert er ráð fyrir að þeir séu með allt sitt viðbragð í lagi svo sólarhringunum skiptir. Til þess að fá sómasamleg laun þurfa unglæknar að vinna miklar álagsvaktir.

Það er engan vegin ásættanlegt að heilbrigðisstéttir sem og stéttir sem hlúa að og hugsa um velferð annarra sitji ævinlega eftir með lægstu launin. En förum varlega í að bera stéttirnar saman! Það er engin mikilvægari en annar! Það er engin keðja sterkari en veikasti hlekkurinn!!!

Gangi læknum vel í baráttunni fyrir bættum kjörum sínum og megi mál þeirra leysast sem fyrst og sem farsælast.

[Ragnar Freyr Ingvarsson, 20.9.2008 kl. 22:18]

Sæl Ingibjörg

Takk fyrir þitt innlegg.

Það má kannski lýta svo á að ljósmæður, hjúkrunarfræðingar og aðrir séu ekki undirmenn læknis...en þær eru samt undir ábyrgð vakthafandi læknis og  sérfræðings og þurfa rapportera óháð því sem sem allir aðrir vilja segja og gera.

Hvað sem allar stéttir á sjúkrahúsinu vilja halda þá er samband læknis og sjúklings upphafið og endirinn á öllu því sem þar fram fer fram á sjúkrahúsinu...það er það sem skiptir máli. 

[Doddi - Þorsteinn G. Jónsson (IP-tala skráð) 22.9.2008 kl. 09:25]

Takk Ragnar fyrir tölurnar og takk Ingibjörg fyrir þitt innlegg. Skemmtilegt að segja frá því að síðan ég skrifaði síðast hef ég legið í kvefpest ... kannski hefur fengið svona á mig að hugsa um þessi málefni. En ljóst er að þessar stéttir hafa hærri grunnlaun en ég. Svoleiðis er það bara.

Væri fróðlegt að vita meðaltalslaun allra lækna samt...

Gangi ykkur öllum vel og reynið nú að finna ráð við kvefi sem virkar!!