Hvernig spennistöðvar eru þetta?

Þetta er stórfurðulegt. Hvernig má það vera að hægt sé að stinga einhverju inn í spennistöð, þar sem innan dyra er mikil spenna. Þetta hljóta að vera meingallaðar spennistöðvar. Ástæða er til að skoða það nánar ef mikið er af svona ófullkomnum spennistöðvum í landinu.

Barn fékk mikið raflost

Athugasemdir

[Helga Guðrún Eiríksdóttir, 12.9.2008 kl. 20:00]

Já, þetta er eiginlega hrollvekjandi. Vekur upp vondar minningar þegar ég stakk vír úr kaffipakka inn í innstungu daginn sem við fluttum inn í nýja húsið fyrir áratugum síðan norður í Skagafirði. Brenndist auðvitað nokkuð illa á fingrum en fannst það allt kvalanna virði eftir að mér voru gefnir 3 Macintosh molar til að lækka ofan í mér grenjurnar. Þá var ekki svoleiðis í boði nema á jólum.

En ég vona sannarlega að þessi stúlka sé ekki mikið brennd - og ekki síður að öryggismál þarna verði tekin til gagngerrar endurskoðunar. Ég hélt reyndar að svona háspennustöðvar ættu að vera rammlega afgirtar.

[Marinó Muggur Þorbjarnarson (IP-tala skráð) 12.9.2008 kl. 20:14]

Algerlega sammála. Hvernig í ósköpunum gat þetta gerst? Ef stöðvarna þurfa að vera svona hræðilega kröftugar að ekki megi koma nálægt með járnhlut, þá ætti að grafa þetta bara niður. Algerlega óskyljanlegt

[Hólmdís Hjartardóttir, 12.9.2008 kl. 20:22]

hrein skelfing....rafmagnsbrunar eru með því versta.Jólasería hefur orðið íslensku barni að aldurtila.  En eitthvað er ekki eins og það á að vera þarna.

[Haraldur Bjarnason, 12.9.2008 kl. 21:06]

Mér sýnist þetta vera einhverskonar gámur. Einhver bráðabirgðaspennistöð eins og notuð er á vinnusvæðum. Svona lagað á ekki að vera í íbúðabyggð. Þarna gæti verið um 6.000 volta spenna inni og stórhættulegt ef einhversstaðar er hægt að pota járnteini inn í þetta.

[Sigurður, 12.9.2008 kl. 21:25]

Það er allt hægt ef viljinn er fyrir hendi. Það vantar heldur hvorki viljan né úrræðin hjá börnum.

Sjálfur tókst mér að slá út skólanum mínum þegar ég var 6ára. Það gerði ég með því að stinga rörinu á Svalanum mínum inní innstungu og sprauta Svala í innstunguna. Þá man ég líka eftir því þegar ég klippti á víra úr ljósastaur með naglaklippum - það var heljarinnar blossi sem kom þá. 

Málið er bara að börn eru og munu alltaf vera börn - óvitar eins og ég sjálfur var. Held að hönnun spennistöðvarinnar hafi minnst með það að gera hvernig fór. Ef maður gekk á vegg þá bara fann maður leið framhjá honum.

Hræðilegt slys engu að síður og ég óska barninu alls hins besta

[Haraldur Bjarnason, 12.9.2008 kl. 21:36]

En Sigurður, spennistöðvar eru svolítið meira en venjulegar innstungur. Sjálfur vann ég í sumarvinnu hjá rafveitunni á Akranesi sem unglingur og þar voru steyptar spennistöðvar og spennarnir afgirtir með neti upp í loft. Þangað inn fóru engir nema rafvirkjar með háspennuréttindi. Öll loftræsting var um þakið og ekkert hægt að komast nálægt spennunum sjálfum. Það er forkastanlegt að svona bráðabirgðastöðvar skuli vera í þéttbýli og vonandi er þetta ekki víðar. Tek undir með þér og vona að barnið sleppi óskaddað frá þessu.

[Jobbi (IP-tala skráð) 12.9.2008 kl. 22:52]

Það eru hvergi afgirtar dreifistöðvar á islandi.Hef allavega ekki séð þær.Svona lagað á bara ekki að vera í íbúðarbygð því í ofnalag þá eru svakalegar bylgjur sem koma frá þessu.

[Haraldur Bjarnason, 12.9.2008 kl. 23:31]

Jobbi það sem ég sagði er að steyptar spennistöðvar eru víða hér. Hús sem algjörlega eru lokuð og inni í þeim eru spennarnir afgirtir. Þessu hefur farið aftur.

[SP (IP-tala skráð) 12.9.2008 kl. 23:58]

Við hönnun spennistöðva er eitt mikilvægt að tryggja næga kælingu fyrir spennana. Það er alvanalegt að það sé gert með því að mynda gegnumtrekk í þaki og niðri við gólf. Fram hjá því verður ekki komist svo glatt og virkar eins í steyptum spennistöðvum eða úr öðrum efnum.

Spennistöðvar eru og munu alltaf verða í íbúðbyggð - ef fólk vill á annað borð notast við rafmagn frá samveitum. Ætli drægni spennistöðva í dag séu ekki svona 800 til þúsund metrar.

[Haraldur Bjarnason, 13.9.2008 kl. 00:06]

Hárrét hjá þér SP en lofrsætingin má ekki vera þannig að hægt sé í gegnum hana að komast í snertingu við spennnn eða aðliggjandi kapla. Þannig var það ekki hér áður fyrr en spennistöðvar verða alltaf í þéttbýli. Það er rétt.