Gömlu kjördæmin verði að sveitarfélögum

Rétt hjá Halldóri. Vestfirðir verði eitt sveitarfélag, sömuleiðis gömlu kjördæmin hin líka. Það er alveg nóg að hafa 7-8 sveitarfélög í landinu. Með því einu hafa þau þann styrk sem þarf til að taka verkefni frá ríkinu. Gerum gömlu kjördæmin að sveitarfélögum.

Vestfirðir sameinist í eitt sveitarfélag

Athugasemdir

[Hólmdís Hjartardóttir, 6.9.2008 kl. 19:19]

...............sennilega góð tillaga.

[Hafsteinn Viðar Ásgeirsson, 6.9.2008 kl. 19:56]

http://hva.blog.is/blog/hva/entry/635565

Ég er svo algerlega sammála þér Haraldur, eins og oftast áður. Það þarf að losna við þetta smákóngakerfi og koma á skilvirkni í sveitarfélögum landsins, mundum spara gríðarlegar upphæðir í yfirstjórn o.fl. auk þess sem íbúarnir fengju betri þjónustu eins og þeir eiga skilið.

[Jón Þ. Sig (IP-tala skráð) 6.9.2008 kl. 20:11]

Þetta er nú ljóta bullið eins og alltaf með þessa sameiningu, veit ekki betur en að þegar Þingeyri, Flateyri og Suðureyri sameinuðust Ísafirði þá var allt tekið af þessum þorpu sem þau áttu öll þjónusta er sótt núna til Ísafjarðar, frá Þingeyri sem voru tvær verslanir, pósthús, heilsugæsla, sparisjóður, esso söluskáli og fullt af atvinnu hvað er eftir pósthúsið og sparisjóðurinn er í sama húsinu spurning um hvenær þarf að sækja þessa þjónustu til Ísafjarðar ekki lang með svona hugmyndum, læknir hvað er það núna á þessum stöðum verður að keyra 50 km í brjáluðu veðri og leggja líf sitt í hættu bara til að hitta læknir, matur sama sagan þar yfir veturinn og með læknirinn.  Það er sama stefnan hjá Ísafjarðarbæ eins og Höfuðborgarsvæðinu einstefna.

[Guðmundur Rúnar (IP-tala skráð) 6.9.2008 kl. 22:12]

Það er athyglisvert í athugasemd Jóns Þ., að enginn þeirra þjónustuþátta sem hann tiltekur og segir að hafi farið frá Þingeyri, er á hendi sveitarfélagsins. Ekki verslun, pósthús, heilsugæsla, sparisjóður, essóskáli! Hér er því verið að rugla saman hlutum.

[blabla (IP-tala skráð) 7.9.2008 kl. 04:33]

Ég held að þetta sé meiri spurning um hvort eitthvað á að vera, eða ekki. Hvort við sjáum okkur hag í því að til sé sterkur kjarni, eða við höldum í horfinu og sjáum byggðirnar deyja út, hægt og rólega eins og er í dag.

Við þurfum sterkan kjarna til að styðja byggðirnar í kring, kjarna til að geta tekist á við þau verkefni sem við viljum að Vestfirðir eiga að hafa upp á að bjóða. Við höfum reynt "að halda í horfinu" síðustu ár, með þeim árangri að meðalaldur nánast hækkar jafnt á við árafjöldan á stöðunum. Til hamingju með það, því fyrr sem smákóngar fyrri tíðar horfast í augu við það og gera sér grein fyrir í hvernig hagkerfi við lifum í, því betra, fortíðin kemur ekki aftur.

Mér er nokk sama hvort það yrði Ísafjörður eða einhver annar, það er ekki málið, hér vil ég búa, en ég get ekki séð mér fært um það í nánustu framtíð nema að veruleg hugsanabreyting verði fljótlega þó það sé eiginlega orðið of seint. Við verðum að vinna saman, og því miður að færa fórnir þangað til að við getum haft það betra. Með öðrum orðum, við þurfum að gera það sem stjórmálamennirnir hafa ekki þor á að gera.

Ég spái því, að Vestfirðum mun blæða út, til dauða, með þessu áframhaldi og hugsunarhætti sem sjá má hér að ofan, því ég þekki ekkert öruggra en Vestfirska þrjósku og sjálfseyðingarhvöt.

P.s. Ég ætla náttúrulega ekki að fara í kostnaðinn við sameininguna, en hana þekkja allir sem vilja þekkja og væri ekki í anda þessa skrifa.

[Haraldur Bjarnason, 7.9.2008 kl. 07:24]

Þetta sem Jón Þ. telur upp þarna á ekkert skylt við sameiningu fækkun þjónustustöðva fyrirtækja hefur verið að gerast víðar á landinu. Þeir sem búa á Vestfjörðum, Austurlandi eða Norðurlandi, svo dæmi séu tekin, hafa sameiginlegra hagsmuna að gæta og engin ástæða til að skipta stjórnsýslunni í smáar einingar.

[Elías Guðmundsson (IP-tala skráð) 7.9.2008 kl. 08:28]

Get nú ekki annað sagt en að mér brá all verulega að sjá þessa hugmynd Halldórs um sameiningu Vestfjarða í eitt sveitarfélag. Ég held að þetta sé nú rétt hjá honum út frá fjárhagslegum árangri. Því miður er það þó svo enn í dag að stjórnendur Ísafjarðarbæjar líta á þessa sameiningu sem yfirtöku en ekki samvinnu. Í samvinnu deila menn verkefnum en í yfirtöku taka menn öll verkefni til sýn og vinna alla stjórnun einum stað. Ekki er hægt að nefna eitt starf sem unnið er sameignlega fyrir allt sveitarfélagið út frá minni byggðakjörnum Ísafjarðarbæjar. Allt er unnið út frá á Ísafirði. Núna er t.d. verið að ráða launafulltrúa og skal hann vera staðsettur í dýrasta skrifstofuhúsnæði á Vestfjörðum í stað þess að nota t.d. skrifstofuhúsnæði sem bærinn á á Flateyri. Nei það er búið að kaupa/leigja nánast heila hæð í stjórnsýsluhúsinu til að þenja út báknið á Ísafirði. Rétt er hjá honum að fólk þurfi ekki að koma á hálftímafresti á bæjarskrifstofun því oftast hringir fólk til að fá þjónustu. Það er líka hægt að hringja til Flateyrar. Enn einu sinni gleymir Halldór því að vanræksla í umhirðu og virðingaleysi í garð íbúa í minni byggðakjörnum er það mikil að hálfu Ísafjarðarbæjar að ég get seint trúað því að íbúar í minni byggðakjörnum Ísafjarðarbæjar geti lagt góða reynslu á borð kjósenda í sameiningarferli.  Sveitarfélag er samfélagsverkefni en ekki hagnaðardrifið fyrirtæki. Ég hef ekki trú á því að nokkur vilji sameinast Ísafirði nema að vera neiddur til þess.

[Sibba (IP-tala skráð) 7.9.2008 kl. 08:45]

Mikið er ég sammála Elíasi.  Er ekki búið að sameina sýslumannsembættið líka?  Ég er ekki að segja að það hafi neitt með sameiningu að gera.  Er það meiningin af færa allt til Ísafjarðar?  NEi í guðanarbænum ekki meiri sameiningu takk fyrir.  Ég vona að enginn (fyrir utan Ísfirðinga) vilji þessa sameiningu.

[Nobbari (IP-tala skráð) 7.9.2008 kl. 10:38]

Sameining getur bæði verið af hinu góða og hinu vonda. Það er ekkert sem segir að stærri sveitarfélögin éti þau minni, það getur verið öfugt. Sjáið í Fjarðabyggð þar sem Reyðarfjörður er orðinn nafli Fjarðabyggðar. Staður sem fyrir fáum árum var kosin mesta "krummaskuð" landsins! Það hefur ekkert breyst á Reyðarfirði nema álver og Molinn.

[Benedikt V. Warén, 7.9.2008 kl. 14:30]

Þetta er náttúrulega argasta vitleysa að sameina stóru seitarfégögin þeim smáu.  Það þekkjum við á Austurlandi, að hafa Akureyri dómerandi yfir öllu og Möllerinn þorir ekki öðru, en að dansa eins og skurðbúarnir leggja fyrir. 

Sameining er góð og gild, en það er eins og með olíu og vatn vs. stór og lítil sveitarféög, - þetta blandast illa.

[Sigrún Jónsdóttir, 7.9.2008 kl. 15:00]

Miklu skynsamlegra að sameina sveitarfélögin á stór-Reykjavíkursvæðinu, þar sem það er í raun eitt og sama atvinnusvæðið.  Þarna eru "smákonungar" á launum sem um munar!  Eftir stæði 1 Borgarstjóri, myndum losna við 5 Bæjarstjóra og 1 Sveitarstjóra!  Gætum staðsett Félagsmálastjórann í Garðabæ  Skipulagsstjórann í Kópavogi,  Menningarmálastjórann á Álftanesi, Heilbrigðisfulltrúastjórann á Seltjarnarnesi (í læknasafninu!) og svona gæti ég haldið áfram út í hið óendanlega og sparnaðurinn væri gígantískur 

Tek undir með Elíasi hér að ofan, get ekki annað, þar sem ég veit að hann þekkir aðstæður vel.

[Hafsteinn Viðar Ásgeirsson, 7.9.2008 kl. 15:21]

Mér virðist þetta nú sumstaðar blandast ágætlega Benedikt, sýnist t.d. hafa blandast ágætlega í Árborg og raunar vandi að sjá hvernig ástandið væri á Eyrarbakka og Stokkseyri hefði hún ekki orðið?

Sigrún það finnst nú eitthvað minna fyrir þessum bæjarstjóralaunum og stjórnunarkostnaði á Reykjavíkursvæðinu heldur en t.d. hér þar sem klárlega munar um marga með 1,5 millur á mánuði. Að maður tali nú ekki um þessa litlu staði eins og fyrir vestan eða hér í sveitunum?

[Haraldur Bjarnason, 7.9.2008 kl. 16:06]

Pelli hvað með sameingu á Héraði, þa r samneiðust fámennir hreppar Egilsstöðum, en sá fjölmennasti Fellahreppur þráðist lengst við. Að vísu vantar Fljótsdalshrepp enn inn í það dæmi en það breytist peningavíman vegna Kárahnjúkavirkjunar rennur af Fljótsdælingum. Annars er hæpið að tala um sameiningu ef gömlu kjördæmin verði að sveitarfélögum. Það er nánast eins og nýtt stjórnsýslustig verði til við það. En þar sem þú ert að vitna til með Akureyri var breytingin á kjördæmum og stækkun þeirra. Það er allt annar handleggur.

[Benedikt V. Warén, 7.9.2008 kl. 16:27]

Munurinn er ekki mikill Halli, en eins og þú veist voru það fámennu hrepparnir sem fengu gott hlutfall fulltrúa í bæjarstjórn. Sameining á kjördæminu er ekkert allt annar handleggur, það er einungis í stærra samhengi, sá stóri er dómerandi og heldur hinum niðri með góðu eða illu.  Eins og þú veist, er staðan nú eftirfarandi á Stór-Egilsstaðasvæðinu.

Soffía Lárusdóttir  Egilsstöðum
Baldur Pálsson Fellabæ    
Þráinn Lárusson Vallahreppi
Guðmundur Ólafsson Egilsstöðum  
Jónína Rós Guðmundsdóttir Egilsstöðum 
Gunnar Jónsson Egilsstöðum
Sigvaldi H. Ragnarsson Jökuldal
Björn Ármann Ólafsson Egilsstöðum    
Anna Sigríður Karlsdóttir  Fellabæ
Jónas GuðmundssonÞetta Jökulsárhlíð

Egilsstaðir voru í þessari sameiningu lang-lang stærsi hreppurinn.

Nokkrir þessir einstaklingar eru með SmáraGeirssonSyndrome og geta varla tekið orðið "Egilsstaðir" sér í munn og leggja megin áherslu á að vinna fyrir sitt gamla heimasveitarfélag.

Hvers vegna er ekki á heimasíðu sveitarfélagsins nafnið Egilsstaðir, - gæti það verið tilviljun???

[Haraldur Bjarnason, 8.9.2008 kl. 21:45]

Þetta er bara allt í lagi Pelli. Þegar búið er að sameina verður til eitt sveitarfélag og þá á engu að skipta hvar í því sveitarfélagi menn búa. Hefðu göturnar á Egilsstöðum eins og Selásinn t.d. átt að eiga fleiri fulltrúa en Lagarásinn eða Sóllvellir, Furuvellir, Útgarður eða Einbúablá. Svona smákóngahugsunarháttur er bara til að eyðileggja fyrir framförum. Ég man álit þitt á Fellamönnum þegar þeir vildu ekki samaneinast Egilsstaðabúum og þú ert fallinn í sömu gryfju og þeir voru þá. Þú segir að Egilsstaðir séu ekki nefndir á nafn á heimasíðu Fljótsdalshéraðs. Prófaðu:  www.egilsstadir.is Það hefur virkað inn á heimasíðuna til þessa.

[Benedikt V. Warén, 9.9.2008 kl. 11:04]

Ég er ekki fallinn í sömu gryfjuna.  Ég var ekki að kvarta undan hvernig því hvernig skiptingin er hér, aðeins að benda á staðreyndir.  Skiptingin er nánast eins og ég spáði fyrir, utanbæjarmennirnir hafa meiri áhuga á að gefa kost á sér til trúnaðarstarfa en "þorpararnir". 

Hér er lukkulega, ekki eins áberandi munur á milli þéttbýlis og dreyfbýlis, eins og vart verður í kjördæminu, þar sem Akureyringar hafa ítrekað sýnt frekju og yfirgang þegar kemur að sameiginlegum verkefnum og í krafti stærðar sinnar geta rekið mál í gegn.  Nokkrir fulltrúar hér eru ekki meðvitaðir um að þeir séu að vinna fyrir sameiginlegt Fljótsdalshérað.

Hvað varðar eitthvað sem ég hef einhverntíma sagt eða gert, Halli minn, er ég nú einu sinni þannig gerður, að ég get skipt um skoðun og hef oft gert.  Það þurfa hins vegar að vera nokkuð gild rök, til þess að slíkt gerist.

Hvað varðar nafnið "Egilsstaðir" þá var ég að vitna í m.a. heimasíðuna, þar kemur ekki fram í hausnum á henni nafnið, - eingöngu Fljótsdalshérað.  Markaðslega er það arfavitlaust og með þessu eru sveitarstjórnarmenn að rústa markaðsetningunni í ferðaþjónustunni, eins og ég hef áður bent á, m.a. http://pelli.blog.is/blog/pelli/entry/381715/#comments

Over and out.