Þetta eru sko hnífstungur í bakið

Þær eru ótrúlegar þessar dagbókarfærslur Matthíasar sem hafa verið að birtast upp á síðkastið. Ekki hef ég neinar forsendur til að meta hvort þær eru réttar eða rangar enda er þettu einkasamtöl en ég efast þó um að nokkuð sannleikskorn sé í þeim, sérstaklega þar sem þær beinast gegn einum manni, núverandi forseta. Þarna er Matthías að brta úr einkasamtölum, þvílík lágkúra og aumingjaskapur. Þetta eru sko hnífstungur í bakið og sérstaklega þar sem maðurinn var ritstjóri eins stærsta fjölmiðils landsins og naut þar með trúnaðar margra eins og blaðamenn gera oft. Nú er sá trúnaður rofinn og einhverjar vangaveltur í einkasamtölum settar fram sem fullyrðingar. Sem betur fer eru til menn sem geta rekið þetta ofan í karlinn.

Ekkert fjármálamisferli innan Alþýðubandalagsins

Athugasemdir

[Hafsteinn Viðar Ásgeirsson, 19.8.2008 kl. 08:38]

Það er með hreinum ólíkindum að lesa sumt af því sem þarna kemur fram. Engu er líkara en að Flokknum og ríkisstjórnum sem hann stendur að hafi verið "regulerað" af mogga. Ég hef svo sem aldrei efast um að þannig hafi það verið, að einhverju leiti, plottin og vefirnir ofnir, ekki spurning um það. Kannski er hann samt eitthvað að ofmeta sinn þátt?

[Helga Guðrún Eiríksdóttir, 19.8.2008 kl. 11:55]

Sama hvað sagt var í trúnaði einhvern tíma einhvers staðar, þetta er smekkleysa og fyrir neðan virðingu manna að orða opinberlega. Ég velti fyrir mér tilganginum sem að baki hlýtur að búa.

Kveðjur til þín og þinna Halli minn.

[Hulda Elma Guðmundsdóttir (IP-tala skráð) 19.8.2008 kl. 12:33]

Þetta er sú mesta lákúra sem ég hef heyrt. Það er ekki aðeins að hann sé að reyna að koma höggi á Ólaf Ragnar, heldur svertir hann minningu góðrar konu, Guðrúnar Katrínar. Er flokkurinn alveg farinn á taugum vegna borgarklúðursins og reynir að beina athygli fólks að öðru?

[Hafsteinn Viðar Ásgeirsson, 19.8.2008 kl. 13:11]

Allt er þetta hið undarlegasta mál. Þó er ekkert undarlegt við það að sjúkrahúsið sendi reikninginn á sendiráðið, á því getur verið eðlileg skýring. Sé hinsvegar ekki að verið sé að hnýta neitt í sjúklinginn, það finnst mér hvergi liggja í skrifunum...?

[Víðir Benediktsson, 19.8.2008 kl. 21:18]

Ætti nú ekki annað eftir en nenna lesa minningar Matthíasar.

[Hafsteinn Viðar Ásgeirsson, 19.8.2008 kl. 22:31]

Þetta er um margt undarleg lesning, fróðleg á ýmsan hátt, en svo sem kannski ekki margt sem kemur mjög á óvart.

[Guðrún Þóra Hjaltadóttir, 19.8.2008 kl. 23:11]

Það er engum að treysta nú til dags. Það er deginum ljósara.

Vonandi sefur Matthias vel !

[Hafsteinn Viðar Ásgeirsson, 20.8.2008 kl. 09:47]

Viss um að Matti sefur eins og grjót...