Misræmi í refsingum

Það er greinilega misræmi í refsingum vegna hraðabrota í umferðinni. Útlendingurinn sem tekinn var af Egilsstaðalöggunni á 149 km hraða var sviptur skírteininu á staðnum, sem er réttlætanlegt fyrst löggan má það en þessi sleppur við að missa skírteinið. Hef grun um að sama sé upp á teningnum með hraðamyndavélar annars vegar og hraðamælingar lögreglu hins vegar. Hef ekki heyrt um að lögreglan sé að sekta menn sem eru að aka á níutíu og fimm til hundrað kílómetra hraða þar sem hámarkshraði 90. Hins vegar veit ég dæmi þess að ökumenn fái sektir fyrir að vera á 76 kílómetra hraða í Hvalfjarðargöngum, þar sem hámarkshraðinn er sjötíu. Er ekki rétt að samræma þetta eitthvað?

Tekinn á 150 km hraða

Athugasemdir

[Páll Geir Bjarnason, 19.8.2008 kl. 00:09]

Bezta lausnin er að keyra bara á löglegum hraða. Eða er það óhugsandi?

[Haraldur Bjarnason, 19.8.2008 kl. 08:55]

Hárrétt það er besta lausnin og mjög auðveld lausn þó mér finnist það ekki auðvelt í Hvalfjarðargöngum niður bratta brekkuna að norðanverður. Akstur þar krefst fullrar einbeitngar og erfitt að einblína á hraðamælinn. Þó maður ætli að halda sér við 70 þá þarf ekki mikið til að bíllin fari upp í hraða um 5-10 kílómetra. Ég veit að skekkjumörk við sektunum þar eru aðeins 3 kílómetrar, sem sagt maður má aka 73 en 74. Þetta er mjög lítið frávik frá 70 km. og getur sekúndubrot í brekkunni ráðið. Þarna eru einar 5 myndavélar og því hlýtur ríkið að hala marga 3.000 kalla inn fyrir svona smotterí.