Grunaði ekki Gvend!

"Grunaði ekki Gvend!," þetta er gamalt máltæki sem haft hefur verið um það sem ekki reynist satt þegar á reynir. Bangsi dáti hafði ekki hugmynd um þessi mál, enda aldrei heima, hefur verið að skrifa endalausar ferðasögur á bloggið sitt að undanförnu. Geir og Solla líka á endalausum þvælingi og eitthvert afleysingafólk eflaust að klára málið - Þvííkt embættismannakúður, eins og ég greindi frá í fyrra bloggi mínu um þetta. 

Ákvarðanir Útlendingastofnunar teknar án samráðs við ráðuneytið

Athugasemdir

[Lilja G. Bolladóttir, 3.7.2008 kl. 23:01]

Hmm, ekki  skal ég fullyrða um Geir og Sollu, en pabbi minn er háttsettur embættismaður í þessu kerfi, og hann er þessa dagana árángurslaust að reyna að vera í sumarfríi..... Hann ætlaði bara að taka tvær vikur, svona til að byrja með.... (á reyndar svona 23 vikur inni í sumarfríi hjá hinu opinbera sem hann aldrei fær frið til þess að taka út)..... en so far, hefur hann verið 2 (!!!) heila daga í fríi. Alla hina dagana er verið að hringja í hann, hann þarf "aðeins" að mæta á fund hér og þar, og svo "má" hann halda áfram að vera í fríi, svo þarf hann "aðeins" að skrifa eina greinargerð, kannski eina til tvær ræður fyrir Geir Haarde líka, en þar fyrir utan "má hann gera það sem hann vill"..... bara ekki fara of langt, og það verður að vera hægt að ná í hann o.s.frv.

Þetta er ekki að æra hann pabba minn gamla, en er alveg að æra mömmu mína og restina af fjölskyldunni..... það er aldrei hægt að stóla á neitt með hann pabba, því blessaða Ríkið og ríkisstjórnin hefur alltaf forgang!!! Svo....það getur vel verið að okkar kjörna ríkisstjórn sé að fokka öllu upp, en embættismennirnir í þessu kerfi eru alveg að skila sínu, og miklu meira en það oft á tíðum!

[Lilja G. Bolladóttir, 4.7.2008 kl. 08:21]

Ég er ekki að tala fyrir alla embættismenn, en embættismenn eru eðli málsins samkvæmt, EKKI pólitískt ráðnir, fylgja þar af leiðandi sinni stofnun án tillits til hver er í ríkisstjórn og hver er í forsvari fyrir þeirra stofnun hverju sinni. Þeir vinna, og ÞURFA að vinna eftir þeim lögum og reglum sem ríkisstjórnir setja, sama hvað þeim finnst persónulega um málefnin. Svo mér finnst ekki við embættismennina að sakast heldur öllu fremur þá sem setja lögin.

Og nei, ég er ekki að mæla þessarri "villumennsku" bót, síður en svo. En þú, aspartam, þarft bara að gera þér grein fyrir, að "embættismenn" eru ráðalaus og valdalaus verkfæri ríkisstjórnarinnar. Þeir eru ráðnir til þess að leiðbeina ríkisstjórninni, reikna fyrir ríkisstjórnina og afla heimilda fyrir hana, en þeir hafa ekki vald til þess að ÁKVEÐA neitt eða setja nein lög. Að lokum þurfa þeir að framkvæma ákvarðanir ríkisstjórnarinnar. Visssir ÞÚ það ekki???

[Haraldur Bjarnason, 4.7.2008 kl. 08:42]

Skipti mér ekki af því hvort menn fara í sín frí eða ekki Lilja en ég veit að flestir vinna vel fyrir kaupinu sínu. Hitt er annað að einhversstaðar virðist klúður í kerfinu og nú sver dómsmálaráðherra þetta af sér.

[Lilja G. Bolladóttir, 4.7.2008 kl. 09:18]

Já, þeir eru allavega mjög góðir í því, ráðherrarnir okkar, að sverja hluti af sér, benda hver á annan og skýla sér á bak við einhverjar úreldar reglugerðir. Það er jú aldrei við þá að sakast, þótt eitthvað sé gert í nafni þeirra ráðuneytis.... !!

[Hulda Elma Guðmundsdóttir, 4.7.2008 kl. 10:35]

Eigum við ekki að skoða málið í samhengi, fólkið er ekki með þá löglegu pappíra sem þarf. Eru embættismenn ekki bara að vinna vinnuna sína? Um hvort það sé rétt eða rangt að vísa fólkinu úr landi má endalaust deila um.

[Haraldur Bjarnason, 4.7.2008 kl. 11:44]

Elma manni sýnist nú á öllum fréttaflutningi af þessu að þarna sé eitthvert klúður, sem snýst ekki um pappíra, enda hef ég nú grun um að flóttamenn séu yfirleitt ekki með þá. Kannski vantaði stimpil frá Kenýa????