Kvennafótbolti þótti í eina tíð móðgun við íþróttina

Framfarirnar í íslenskri kvennaknattspyrnu eru ótrúlegar á síðustu árum, sérstaklega hjá landsliðinu. Sigurður Ragnar Eyjólfsson er greinilega réttur maður á réttum stað. Ég ætla rétt að vona að hann láti ekki glepjast af þjálfaratilboðum hjá karlaliði á næstunni, hvort sem er félagsliði eða landsliði. Hann þarf í það minnsta að klára þetta dæmi og fylgja liðinu áfram til loka Evrópukeppninnar.

Ég hefði ekki trúað því fyrir nokkrum árum að ég gæti setið við sjónvarp og horft á kvennalið spila fótbolta. Sú var hins vegar raunin eftir vinnu í dag. Fannst raunar slæmt að hafa misst af fyrri hluta leiksins. Hér áður fyrr sögðum við félagarnir gjarnan að kvenfólk í fótbolta væri móðgun við íþróttina. Eina ástæðan fyrir að horfa á slíkt væri að stelpurnar væru í stuttbuxum. Þetta segi ég núna með fullri virðingu fyrir þeim ágætu stelpum sem lögðu grunninn að íslenskri kvennaknattspyrnu, meðal annars jafnöldrum mínum hér á Skaganum, sem voru í fararbroddi kvennafótboltans. - Stelpurnar sem eru að spila í dag eru einfaldlega svo miklu betri í fótbolta og skjóta þar stórþjóðum ref fyrir rass. - Til hamingju Ísland!

„Núna eigum við alla möguleika í heiminum“

Athugasemdir

[Hulda Elma Guðmundsdóttir, 26.6.2008 kl. 20:44]

Nú getum við svo sannarlega kyrjað "Ísland best í heimi". Þetta var frábær leikur hjá stekpunum og ég tek ofan fyrir þeim sem ruddu brautina, hvar á landinu sem þær búa.

[Bragi Þór Valsson (IP-tala skráð) 26.6.2008 kl. 20:55]

Það væri gaman að láta kvenna- og karlalandsliðin mætast og sjá hvort kvennalandsliðið sterka rúlli ekki upp karlalandsliðinu... ekki svo sterka (-:

[Andrir (IP-tala skráð) 26.6.2008 kl. 21:02]

Snilldar leikur, frábært að horfa á íslenska kvennalandsliðið vaxa svona. Nú er það bara að vinna frakkana og brillera svo á EM.

[Hólmdís Hjartardóttir, 26.6.2008 kl. 21:14]

[Víðir Benediktsson, 26.6.2008 kl. 22:00]

Það skemmir nú ekki að hafa þær í stuttbuxum. Þetta er eina ástæðan fyrir því að sumar konur horfa á karlabolta. Vinkona mín sagði mér einu sinni að Marco van Basten væri með flottasta rassinn og hún missti aldrei af leik með honum en henni væri skítsama um úrslit.