Slagsmálatexti

Burt séð frá öllum fæting á Akureyri þá lesið þennan texta yfir og leiðréttið Moggamenn. Þetta er ekki nokkrum bjóðandi, dæmi: Um þrjúleytið varp maður fyrir líkamsárás gerð utan veitingastaðinn Kaffi ....annað dæmi: Þá brutust út hópslagsmál fyrir utan veitingastaðinn Dátann, eftir að honum lokaði eftir þrjú....þriðja dæmið: Að sögn lögreglu hefur skapast ónæði af ölvuðu fólki fram á morgun og hefur lögregla fengið mikið af hávaðatilkynningum. Treysti Moggamönnum til að laga þetta, þeir hljóta að sjá hvar villurnar eru. Svo er klúður að nota orðið  aðili þegar verið er að segja frá manni.

Það eru eiginlega hálfgerð slagsmál við íslenska tungu að komast í gegnum þetta.

Hópslagsmál og líkamsárás á Akureyri í nótt

Athugasemdir

[Lilja G. Bolladóttir, 7.6.2008 kl. 14:55]

Ég er sammála þér. Tek oft eftir klaufalega orðuðum fréttum og líka nokkrum sem eru rangar, málfræðilega séð.

Vonandi bæta þeir úr þessu

[Helga Guðrún Eiríksdóttir, 7.6.2008 kl. 16:47]

[Hólmdís Hjartardóttir, 7.6.2008 kl. 16:49]

sammála...

[Hulda Elma Guðmundsdóttir, 8.6.2008 kl. 11:03]

Heimur versnandi fer, ætli fari ekki fyrir okkur eins og Dönum, töpum málinu!

[Haraldur Bjarnason, 8.6.2008 kl. 11:07]

...og það litla sem eftir verður; enskuslettur....

[Lára Hanna Einarsdóttir, 8.6.2008 kl. 12:18]

Þetta er orðin regla frekar en undantekning, a.m.k. hjá netmiðlunum. Skelfilegt! 

[Beturvitringur, 8.6.2008 kl. 12:48]

Kannski eru komnir útlendingar í fréttaskrif líka; mörgum útlenskum aðilum lángar í vinnur áður en þeir fara erlendis.  Nei, án gríns, ég þekki 6 ára barn sem talar betur.

Hvað er hægt að gera? Hvar eru málfarsráðunautarnir? Er ekkert lesið yfir texta áður en hann er birtur (talaður eða skrifaður)? Er flýtirinn svona mikill eða kann fólk ekki betur?

Fjölmiðlar hafa mikil áhrif á máltilfinningu og AUGLÝSINGAR mega bara ekki vera á "lélegu" máli. Þær eru margendurteknar og leika því stórt hlutverk (sem kennsla, innrætinga, heilaþvottur, sérstaklega barna og ungmenna)

"Áttu von á óvæntum gestum?" Sjónvarpsauglýsing um vöffludeig frá Kötlu.

[Haraldur Bjarnason, 8.6.2008 kl. 13:05]

..að eiga von á óvæntum gestum já!!  Í auglýsingum er líka alltaf verið að hvetja fólk til að líta um öxl. "Líttu við hjá okkur". Auðvitað kemur fólk við hjá einhverjum og lítur líka inn hjá einhverjum. - Það er af nægu að taka og því miður virðist lítið lesið yfir lengur og málfarsráðunautar og prófarkalesarar af skornum skammti. Tek undir með þér Lára Hanna. Þessar ambögur og vitleysur eru að verða regla frekar en undantekningar á netmiðlunum en því miður er of mikið um þetta líka á "virðulegum" fjölmiðlum. Heyrði t.d. frétt á RÚV fyrir stuttu þar sem talað var um steypireyðinn en ekki steypireyðina. Daglega væri hægt að fylla margar blaðsíður af orðskrípum, málfarsvillum og allskonar ambögum með því að hlusta á og lesa fjölmiðlana. Þetta verður að laga því fjölmiðlar eru fyrirmynd annarra í málnotkun.

[Beturvitringur, 8.6.2008 kl. 13:15]

Heyr, heyr, Haraldur