Er ekki Sjómannadagurinn á morgun?

Er það ekki rétt munað hjá mér að á morgun sé Sjómannadagurinn. Hann hefur alla tíð frá því ég man eftir mér verið fyrsta sunnudag í júní, nema þegar hvítasunnudag ber upp á þann dag þá færist hann aftur um viku. Nú kallar fólk helgina "Hátíð hafsins,", held það hafi verið byrjað á þessu fyrir nokkrum árum í Reykjavík, eflaust vegna þess að hitt var ekki nógu fínt.

Sjómannadagurinn er stór hátíð fyrir austan og t.d. á Norðfirði hafa hátíðarhöld staðið yfir í þrjá til fjóra daga hvert ár og brottfluttir hópast heim. Þar er t.d. núna sjóstangaveiðimót en það hefur verið haldið á þessum tíma í rúm 20 ár. Svona rétt til að minna á þá hefur oft verið hálka og snjór í Oddsskarði þegar sjóstangaveiðimenn hafa mætt á staðinn.

Hátíð hafsins á Austurlandi

Athugasemdir

[Haraldur G Magnússon, 31.5.2008 kl. 16:24]

Sæll nafni

Það má vera, ef þú manst ekki langt aftur í tíman. Dagsettningunni hefur verið breytt tvisvar ,dagurinn færður á síðustu helgi í maí og var það gert vegna síldveiða sem hófust eftir vetrarvertíð,og svo aftur breytt til baka þegar síldveiðum fyrir norðan og austan var hætt.Þannig er þetta í minningunnhjá mér

[Haraldur Bjarnason, 31.5.2008 kl. 16:28]

Jú ég man eftir þessu en hins vegar er það nú í reglugerð settri af Alþingi að ef hvítasunnudag ber upp á fyrsta sunnudag í júní skuli Sjómannadagur vera næsta sunnudag á eftir. Um leið var skyldað að sjómenn ættu frí þennan dag. Ég er hins vegar að vekja athygli á því að við erum týna nafni dagsins. Allir farnir að kalla þetta hátíð hafsins. Gleðilega hátíð nafni!!

[Haraldur G Magnússon, 31.5.2008 kl. 16:29]

Smá viðauki

Sjómannadagurinn var haldinn hátíðlegur í fyrsta skipti hinn 6. júní árið 1938. Sá dagur var mánudagur, annar í hvítasunnu. Næstu ár var fylgt reglu sem á endanum var lögtekin árið 1987, að sjómannadagur skyldi vera fyrsti sunnudagur í júní nema hvítasunnu bæri upp á þann dag. Þá skyldi sjómannadagurinn vera viku síðar. Áður en lögin voru sett var vikið frá reglunni í þau sex skipti sem hér verða talin. Árið 1963 var sjómannadagurinn haldinn á annan í hvítasunnu. Árin 1965-1968 var haldið upp á daginn í maímánuði. Árið 1986 var deginum frestað til 8. júní vegna sveitarstjórnarkosninga í kaupstöðum og kauptúnahreppum laugardaginn 31. maí. Þegar almanakið fyrir 1986 var prentað, var ekki vitað um frestunina og því var 1. júní auðkenndur sem sjómannadagur það ár, en dagurinn hafði fyrst verið tekinn upp í almanakið árið 1984. Hér fer á eftir listi yfir dagsetningar sjómannadags fram að lagasetningunni 1987. Listinn er fenginn frá Sjómannadagsráði.   1938   6. júní 1948   6. júní 1958   1. júní 1968  26. maí 1978  4. júní 1939   4. júní 1949 12. júní 1959   7. júní 1969   1. júní 1979 10. júní 1940   2. júní 1950   4. júní 1960  12. júní 1970   7. júní 1980   1. júní 1941   8. júní 1951   3. júní 1961   4. júní 1971   6. júní 1981 14. júní 1942   7. júní 1952   8. júní 1962   3. júní 1972   4. júní 1982   6. júní 1943   6. júní 1953   7. júní 1963   3. júní 1973   3. júní 1983   5. júní 1944   4. júní 1954 13. júní 1964   7. júní 1974   9. júní 1984   3. júní 1945   3. júní 1955   5. júní 1965 30. maí 1975   1. júní 1985   2. júní 1946   2. júní 1956   3. júní 1966 15. maí 1976 13. júní 1986   8. júní 1947   1. júní 1957   2. júní 1967 28. maí 1977   5. júní 1987 14. júní

[Víðir Benediktsson, 31.5.2008 kl. 19:56]

Man ekki lengur hvaða ár það var en eitt sinn var kosið til alþingis á Sjómannadag. Það þóttu sjómönnum lítillvirðing við daginn og margir sniðgengu kjörfund.

[Haraldur Bjarnason, 31.5.2008 kl. 21:03]

Þetta er góður listi nafni. Þakka þér fyrir. Í mínum huga hefur Sjómannnadagurinn alltaf verið stór hátíðisdagur.

[Hulda Elma Guðmundsdóttir, 31.5.2008 kl. 23:03]

Sæll Halli minn. Auðvitað hefur einhverjum syðra þótt flottara að nefna þetta hátíð hafsins. Þá losna menn líka við að vera að mæra sjómenn sem hetjur hafsins og Íslands Hrafnistumenn í ræðum dagsins. Eigðu góðan sjómannadag.

[Hólmdís Hjartardóttir, 1.6.2008 kl. 00:30]

Á Húsavík þótti mér Sjómannadagurinn miklu merkilegri en 17. júní. Þar bjó kona ættuð af suðurlandi . Hét upphaflega Símonía en breytti nafninu sínu í Hrefna. Hún mu hafa verið einn aðalhvatamaður að því að halda þennan dag hátíðlegan í upphafi.