Á vísan að róa

Ekki tók það langan tíma að ná fyrstu hrefnunni enda nóg af þessum skepnum við landið og aðeins veður getur truflað veiðar. Mikið líf segja sjómennirnir og mikið af hnúfubak líka. Það mætti nú fækka talsvert í þeim hópi og fróðlegt væri að vita hve stórum hlut af loðnustofninum hnúfubakurinn mokar í sig. Í það minnsta hefur verið nóg af honum í loðnutorfunum á vertíðunum og oftar en ekki er hann inn í nótinni líka til vandræða og skemmda.

Það er greinilega á vísan að róa við veiðar á hvaða hvalategund sem er.

Fyrsta hrefnan veidd á Faxafló

Athugasemdir

[Fannar frá Rifi, 21.5.2008 kl. 08:10]

Minnist þess nú bara fyrir nokkurm dögum eða vikum að vísindamenn fundu einhverja torfu með þúsundum hvala úti fyrir Grænlandi. Grænlenskir hvalveiðimenn höfðu þá í ára raðir sagt að nóg væri til að hvalnum en vísindamenn hlógu að þeim og sögðu að þessi hvalatergund væri í útrýmingarhættu. síðan kemur á daginn að vísindamennirnir vissu ekkert í sinn haus.

[Guðjón Sigþór Jensson, 21.5.2008 kl. 08:14]

Hver á hvalina? Eru þeir undirorpnir eignarrétti? Tvenn mismunandi sjónarmið takast á: rétturinn að deyða og veiða annars vegar, rétturinn að fá að skoða og sjá hvali hins vegar. Ljóst er að ekki verði bæði haldið og sleppt. Af hvoru tveggja er unnt að hafa tekjur. Segja má að réttur hvalaskoðunarfyrirtækjanna sé nokkur þar sem hagsmunir ferðaþjónustunnar eru mjög miklir. Veiðar fara ekki saman við hagsmuni ferðaþjónustuna.

Varðandi fæðu hvala þá eta þeir nánast hvað sem er. Þó eta skíðishvalir smádýr, svifátu og annað sem fiskar á borð við loðnu lifa af. Annars er mikilvægt að stuðla að sem mestri fjölbreytni í sjónum. Efla þarf rannsóknir einkum sjávarbotninn sem hefur verið skemmdur stórlega vegna botnvörpu og dragnótaveiða sem spillir öllu botnlífi. Þar er vandinn sem við eigum við að glíma ekki að hvalir séu of margir. Með óhóflegri ásókn botnvörpunga fyrr á tímum hefur botninn verið skaðaður mjög mikið. Fáir minnast á þetta enda togaraútgerð fyrri tíma til mikils vansa.

Mosi

[Haraldur Bjarnason, 21.5.2008 kl. 08:26]

Já Fannar. Það var sagt frá þessu í fréttum í mars. Þetta voru kanadískir vísindamenn. Hér er brot úr texta á bloggsíðu minni um þetta á sínum tíma:  "Loðnan og þorskurinn hafa týnst við Ísland og kanadískir vísindamenn týndu hvorki meira né minna en 40 þúsundum hvölum. Miðað við það er ekki að undra að þeir íslensku týni þessum loðnukvikindum, þau eru heldur smærri en Grænlandssléttbakur"

Guðjón við erum margt sammála en ég sé ekki hvers vegna á að vernda hvalinn. Við horfum ekki á hvalinn leika sér þegar hann er búinn að éta upp fiskistofnanna hvort sem er með því að éta svifdýrin sem fiskarnir lifa á að hreinlega þá sjálfa. Það er ekkert betra að hvalurinn éti upp lífríkið í sjónum heldur en við ofveiðum fisk. Hvort tveggja er afleitt. Það þarf að gæta jafnvægis í þessu ef menn og dýra ætla að lifa í sátt. Auðvitað hefur sjávarbotninn verið skaðaður en líklega verður nú ágangur mannsins í olíuna til þess að horft verður til annarra veiðarfæra en botnvörpu, sem krefst mikillar orku. Þannig að fátt er svo með öllu illt að ei boði gott. Hvort auknar rannsóknir á botninum breyta þar einhverju veit ég ekki. Þær auka vitneskjuna en ekki lögum við það sem skemmt hefur verið. Þarna á það sama við og yfirgangur okkar í náttúrunni ofan sjávar. Þar þarf líka jafnvægi að ríkja. Við þurfum orku en megum ekki ganga of nálægt náttúrunni í þeim efnum. - En eitt má vera ljóst að við lifum ekki á að skoða hluti sem ekki verða til. Það getur átt við hvalina í sjónum líka.

[Víðir Benediktsson, 21.5.2008 kl. 10:43]

Það er nóg til af hvölum, bæði til að veiða og skoða. Þetta er ekkert annað hvort. Menn eiga að hætta í þeim máflutningi.  Þessi umræða er í tómu tjóni. Sjórinn í kringu Ísland er fullur af hvölum. Látið mig þekkja það, er búinn að vera þar meira og minna í meira en 30 ár.

[Haraldur Bjarnason, 21.5.2008 kl. 11:00]

Rétt Víðir. Nóg af hvölum og þess vegna á að veiða þá. Einhverntímann gæti hinsvegar blaðran sprungið. Hvalurinn étið upp fiskistofna og þá hlýtur hvölum að fækka aftur vegna fæðuskorts. Þessi verndunarstefna er því líkt rugl að það hálfa væri nóg. Það þarf alltaf að gæta þess að raska ekki jafnvæginu í náttúrunni, sem við erum hluti af.

[Reyk-víkingurinn (IP-tala skráð) 22.5.2008 kl. 08:49]

Mikið er ég sammála þér Halli minn gamli vinur, við slátrum td. hestum og borðum þá, en hestaleigurnar eða ferðaþjónusta með hesta bera engan vansa af því mér vitanlega, auðvitað eigum við að veiða hvali og borða þá, meiriháttar góðir á grillið