Er það einhver spurning?

Margt hefur nú verið undarlegt í fréttum undanfarna daga þegar hefur verið fjallað um hasarinn á Suðurlandsvegi. Þetta er þó eitt það allra skrítnasta. Sá sem kýldi lögguna við gamla strætóportið verður að öllum líkindum kærður. - Að öllum líkindum? - Það er nú frekar vægt. Auðvitað á að kæra mann sem lemur annan mann, hvort sem sá hinn sami er lögga eða ekki.

Ofbeldi á bara ekki að líðast og þennan karl á náttúrlega að kæra strax og láta hann taka út refsingu fyrir það sem hann gerði. Það á ekki vera nein spurning.

Líklega ákærður

Athugasemdir

[Helgi (IP-tala skráð) 25.4.2008 kl. 13:13]

Þetta er þó eitthvað sem allir geta verið sammála um.

[Hólmdís Hjartardóttir, 25.4.2008 kl. 13:16]

Áuðvitað áað kæra manninn sem Sturla kannast ekki við.

[Haraldur Bjarnason, 25.4.2008 kl. 13:25]

Já Helgi þarna kom loks eitthvað sem allir geta verið sammála um. - Auðvitað er fólk ekki hlynnt ofbeldi og í raun á þar engu að skipta hvort hnefar eru látnir ráða eða hvort sprayað er gasi í augu annarra. Hvort tveggja er óþolandi að mínu mati. - Þetta er nú svoldið spaugilegt Hólmdís með tengslin við þennan mann, bílstjórar sverja hann af sér þrátt fyrir að hann hafi verið í fylkingarbrjósti þeirra. Það getur náttúrlega ekki lögguvarðstjórinn, sem er bróðir hans - Smá farsi þarna.

[Hafsteinn Viðar Ásgeirsson, 25.4.2008 kl. 13:28]

Auðvitað kannast Sturla við manninn en hann kannast ekki við að bera á honum ábyrgð. Er það ekki sitt hvað? Maðurinn verður að bera ábyrgð á sér sjálfur.

Að sjálfsögðu á að ákæra manninn, ég segi nú eins og þú Haraldur getur það verið einhver spurning?

[Hólmdís Hjartardóttir, 25.4.2008 kl. 13:34]

Bræður???

[Sigrún Jónsdóttir, 25.4.2008 kl. 13:43]

Bíddu nú við!!! Bræður?  Ætli hann hafi verið "pantaður" á staðinn?

[Gunnar Th. Gunnarsson, 25.4.2008 kl. 13:49]

Líkamsárás af þessu tagi fer sjálfkrafa í kæruferlu. Þolandinn fær engu um það ráðið

[Sá sem veit betur (IP-tala skráð) 25.4.2008 kl. 14:45]

Lögreglan má ekki gefa út að hann verði kærður.  Þeir eiga að rannsaka málið, og ef þeir telja, eftir rannsókn þess, að þessi háttsemi muni leiða til sakfellingar verður hann kærður.  Ef þær myndu gefa það út, áður en rannsókn er lokið að hann yrði kærður eru þeir ekki lengur óvilhallir. Sér í lagi þar sem um mann úr þeirra röðum er að ræða.

Guð veri með ykkur 

[Haraldur Bjarnason, 25.4.2008 kl. 14:49]

Hafsteinn hann kallaði hann vegfaranda í einni fréttinni en auðvitað bera allir ábyrgð á sjálfum sér og Sturla getur ekki borið ábyrgð á öðrum frekar en nokkur annar. - Já Hólmdís og Sigrún það kemur fram í annarri frétt að varðstjóri í löggunni er bróðir þessa sem réðist á lögguna. - Gunnar ég hélt að svona gerðist sjálfkrafa en það virðist ekki vera sjálfgefið ef miða má við fyrirsögnina á mbl og hvað haft er eftir lögreglunni um þetta.