Frekar verkefni sagnfræðinga en fiskifræðinga

Enn og aftur koma niðurstöður úr þessu stórmerkilega togararalli, þar sem sömu skipin toga á sömu blettunum ár eftir ár. Þetta er svo m.a. notað til að ákvarða stofnstærð fisks sem síðan ræður ákvörðun um veiðiheimildir.

Enn og aftur kemur svo fulltrúi Hafró í fjölmiðla og segir þorskstofninn í sögulegu lágmarki, nú síðast í fréttum útvarpsins. Spurning er hvort ekki þarf að hafa sagnfræðinga á Hafró frekar en fiskifræðinga. 

Stofnvísitala þorsks samkvæmt þessu "vísindalega" ralli hefur jú hækkað um 12%, sem menn svo væntanlega ætla að geyma til seinni tíma eins og þeir hafa gert með svo góðum árangri undanfarna áratugi. Þarna er sennilega verkefni fyrir sagnfræðina líka. Þessar vísindaaðferðir og reiknilíkön hjá Hafró þurfa svo sannarlega sögulega skoðun.

Heildarstofnvísitala þorsks hækkar um 12%

Athugasemdir

[Einar Vignir Einarsson, 10.4.2008 kl. 20:32]

Sæll Halli

Ég var að tala við skipstjóra fyrir vestan í dag, hann sagði mér að Steinbíturinn rauk upp alla röstina vegna þess að trollbátarnir eru búnir að mylja alla skel og allt lífríki í röstinni svo að það er ekkert æti fyrir Steibítin á leiðinni upp kantinn.  Þetta hlustar engin á.  Er það í lagi?

[Sigmar Bóndi (IP-tala skráð) 11.4.2008 kl. 00:43]

Sæll Haraldur 

Vísindin ganga mikið út á að fá samanburð frá athugunum og því er þetta ein leið til þess að staðla aðferðir og minnka skekkjumörk um leið.

 Ég er ekki að segja að aðferðirnar séu hafnar yfir alla gagnrýni en þetta er ef til vill besta leiðin.

Það er hægt að hugsa sér veðurathuganir í þessu samhengi, þar sem mælirinn er alltaf á sama stað og mælir breytingar milli ákveðina tímabila.

Kosturinn við veðrið er þó það að það getur ekki "farið" í burtu eins og fiskurinn getur að sjálfsögðu gert. Það er ekki þar með sagt að hann forðist markvisst tog hafró, en breytingar á göngum geta vissulega átt sér stað.

Að taka sýni eftir hentugleika eru ekki góð vísindi og auðvelt væri að ná fram hentugum niðurstöðum ef það væri gert. Staðlaðar stikkprufur eru því ágætar til síns brúks.

[Haraldur Bjarnason, 11.4.2008 kl. 07:01]

Sæll bóndi, ávallt velkominn hingað inn. Hárrétt hjá þér þetta með samanburðin í vísindunum og að ekki séu góð vísindi að taka sýni eftir hentugleikum. Togararallið er mjög gott til samanburðar á stöðunni á viðkomandi bleyðum frá ári til árs undanfarna áratugi. Ég er líka viss um að margt hefur þar komið fram sem nýst hefur mjög vel. Fiskurinn hefur hinsvegar sporð og færir sig til eftir því hvar hann hefur það best hverju sinni, eins og öll dýr gera og mennirnir líka, ef möguleiki er á. Þess vegna segir togararallið okkur ákaflega lítið um stærð fiskistofna hverju sinni og á því ekki að vega mikið í ákvörðun um veiðiheimildir. Ótalmargt hefur þar áhrif og án efa ræður ástant sjávar einna mestu hverju sinni, - Staðlaðar stikkprufur eru ágætar til síns brúks en ekki í þessu tilfelli og þess vegna er það ágætis verkefni fyrir sagnfræðinga að kanna sögulegar ástæður aðferðafræðinnar sem notuð er og hefur verið notuð í áratugi og það með mjög takmökuðum árangri.

[Haraldur Bjarnason, 11.4.2008 kl. 07:32]

Sæll bóndi, ávallt velkominn hingað inn. Hárrétt hjá þér þetta með samanburðin í vísindunum og að ekki séu góð vísindi að taka sýni eftir hentugleikum. Togararallið er mjög gott til samanburðar á stöðunni á viðkomandi bleyðum frá ári til árs undanfarna áratugi. Ég er líka viss um að margt hefur þar komið fram sem nýst hefur mjög vel. Fiskurinn hefur hinsvegar sporð og færir sig til eftir því hvar hann hefur það best hverju sinni, eins og öll dýr gera og mennirnir líka, ef möguleiki er á. Þess vegna segir togararallið okkur ákaflega lítið um stærð fiskistofna hverju sinni og á því ekki að vega mikið í ákvörðun um veiðiheimildir. Ótalmargt hefur þar áhrif og án efa ræður ástand sjávar einna mestu hverju sinni, - Staðlaðar stikkprufur eru ágætar til síns brúks en ekki í þessu tilfelli og þess vegna er það ágætis verkefni fyrir sagnfræðinga að kanna sögulegar ástæður aðferðafræðinnar sem notuð er og hefur verið notuð í áratugi og það með mjög takmökuðum árangri.

[Haraldur Bjarnason, 11.4.2008 kl. 07:39]

Úpps!!!...sjaldan er góð vísa of oft kveðin.....ætlaði nú ekki að setja þetta tvisvar inn, en svona fór þetta og kann ekki að eyða því út...... sorrý...