Gott innlegg Kidda Jóh. í jarðgangaumræðu

Gott var að heyra í Kristni V. Jóhannssyni á Norðfirði í hádegisfréttum RÚV í dag vegna hugmynda um að nýta risaborinn við jarðgangagerð í Austfjarðafjallgarðinum. Greinilegt að Kiddi er ekki alveg sestur í helgan stein. Gaman að heyra í þessum gamla baráttujaxli á ný. - Hann benti á að verktakar væru að kanna sameiginleg kaup á bornum. Nú er spurningin hvort verktakar og sveitarfélög á Austurlandi eiga ekki bara að sameinast í að tryggja borinn og koma þessu verki í framkvæmd. Ef talan sem Kiddi nefndi, 500 milljónir, er sú sem borinn kostar með endurnýjun borkrónu er rétt, þá eru það smámunir í samanburði við margt sem við sjáum í dag. Það hlýtur að vera hægt að fjármagna það þrátt fyrir allt krepputal.

Hlutirnir virðast gerast með hraða snigilsins hjá Vegagerðinni, það hefur alþjóð séð að undanförnu og ekki er hraðinn meiri hjá stjórnvöldum. - Takið því af skarið austfirskir sveitarstjórnarmenn! - Leitið samstarfs við verktaka og aðra sem koma þurfa að þessu og tryggið stóra borinn til jarðgangagerðar í Austfjarðafjallgarðinum.  

Athugasemdir

[Þorsteinn Valur Baldvinsson, 11.4.2008 kl. 13:37]

Ætla Austfirðingar að gera þessi jarðgöng í einkaframkvæmd og innheimta veggjald, verður eiginlega að vera til að komast undan útboðs skildu laga.

[Haraldur Bjarnason, 11.4.2008 kl. 15:10]

Ef svo verður þá þarf Vegagerðin að halda fjallvegunum opnum áfram, en þetta er ábyggilega eitt af því sem þarf að skoða. Það er svo sem ekki allt boðið út, þótt menn hafi haft hátt skylduna í þeim efnum núna vegna reykjanessbrautarinnar. Veit ekki betur en Hraunaveitur ehf í eigu Landsvirkjunar hafi tekið við stóru verki án útboðs.

[Þorsteinn Valur Baldvinsson, 11.4.2008 kl. 16:26]

Gott ef menn geta yljað sér við fyrirgreiðslu drauma fortíðar