Hvert forðaði hann slysinu?

Enn og aftur verða lesendur mbl.is vitni að einstaklega lélegri íslenskukunnáttu. "Tókst að forða slysi...", segir í fyrirsögn í stað þess að forðast slys hefur viðkomandi ökumaður ákveðið að forða slysinu eitthvert. Hvers vegna og hvert hann forðaði því er hinsvegar óljóst en í fréttinni kemur svo fram að hann hefur forðað árekstri líka blessaður. Það verður ekki af þessum ökumanni skafið að hann hefur heldur betur tekið til hendinni þarna. 

Ef maður horfir hins vegar fram hjá þessum málvillum þá má ljóst vera að þarna mátti litlu muna að árekstur yrði og jafnvel slys á fólki. 

Tókst að forða slysi með því að fara á rangan vegarhelming

Athugasemdir

[Þorsteinn Gunnarsson, 7.4.2008 kl. 14:17]

 Huggðist einmitt minnast á þetta er ég sá færsluna frá þér.

Kv. Steini

[Ómar Ragnarsson, 7.4.2008 kl. 14:41]

Og þegar fréttin er lesin sést líka að hann forðaði árekstrinum, en ekkert er getið um það, hvert hann forðaði honum.

[Eysteinn Þór Kristinsson, 7.4.2008 kl. 22:01]

Það var sagt mér......... það skeði soldið fyrir mig.......... o.fl. ofl. o.fl. grrrrrrrrrrr, arg

[Haraldur Bjarnason, 8.4.2008 kl. 11:35]

Já félagar. Svona er þetta og mönnum virðist nokk sama. Í það minnsta var ekkert gert til að leiðrétta þessa villu.