Líf í Valaskjálf að nýju

Jæja, loksins geta Héraðsmenn átt von á því að skemmta sér aftur í félagsheimilinu sínu, Valaskjálf. Líklega án þess að valda ónæði hjá hótelgestum þar, því upp á síðkastið hefur það verið gefið sem skýring á að ekki mátti halda dansleiki eða skemmtanir hverskonar í Valaskjálf. Saga Valaskjálfar síðustu árin er hálfgerð raunasaga og nær reyndar allt aftur til þess tíma að sveitarfélögin á Héraði voru 10 talsins, en ekki 2 eins og nú er. Þá náðist aldrei samkomulag um nokkurn skapaðan hlut varðandi þetta félagsheimilið og framkvæmdastjóraskipti voru tíð, einmitt vegna þess að ekkert var hægt að gera sem til úrbóta horfði. - Að lokum var félagsheimilið selt og hefur gengið kaupum og sölum síðan. - Nú er vonandi að samkomuhald hverskonar verði hafið til vegs og virðingar aftur í Valaskjálf, hver svo sem kemur til með að standa fyrir því hverju sinni. Hvort væntanlegt menningar- og sviðslistahús á Egilsstöðum kemur til með að leysa Valaskjálf af hólmi er vafamál. Tæplega hef ég trú á að þar verði mannlíf eitthvað því líkt sem tíðkast hefur í Valaskjálf í gegnum tíðina. - En gott mál, Valaskjálf lifir. 

Fljótsdalshérað tekur hluta Valaskjálfar á leigu

Athugasemdir

[Einar Bragi Bragason., 13.3.2008 kl. 15:28]

það er hvergi talað um dansleiki þarna????

[Haraldur Bjarnason, 13.3.2008 kl. 15:38]

Nei ekki beint en það á að treysta Valaskjálf sem samkomu- og menningarhús. Dansleikir eiga heima undir þeim ramma Einar. Þeir eru menningarlegar samkomur, ekki satt? 

[Einar Bragi Bragason., 13.3.2008 kl. 15:52]

Ertu viss????

[Haraldur Bjarnason, 13.3.2008 kl. 16:15]

já já menning er teygjanlegt hugtak.....

[AndriR (IP-tala skráð) 14.3.2008 kl. 03:21]

Mjög góðar fréttir, verður gaman að fara aftur á ball í Valaskjálf! Samt finnst mér ekki líklegt að bærinn hafi fengið þetta alveg gefins.