Týnd frétt af fundnum þorski

mbl.is hefur nú tekið upp á því að týna fréttum. Í morgun var frétt um að stórþorskur veiddist við Snæfellsnes undir fyrirsögninni: 39 kílóa þorskur. Ég bloggaði í tilefni þessarar fréttar undir fyrirsögninni "Týndir fiskar finnast enn". Nú kemur í ljós að fréttin er týnd og horfin út af mbl.is. Ef klikkað er á fréttalinkinn með blogginu mínu kemur aðeins texti sem segir að ekki finnist frétt með þessu númeri. - Hvað hefur gerst, veit ég ekki, en vonandi kemur þessi frétt í ljós og eins og það sem týnst hefur í hafinu.