Nálgast það sem gerist í öðrum landshlutum

Mér sýnist að með þessu hækki rafmagnasreikningurinn hjá mér um 700-800 krónur á mánuði. Hann nær þó ekki að komast nálægt því sem hann var þegar ég bjó á Austurlandi og Norðurlandi.

Verra er þó að ´"vísitölufjölskyldan" býr á höfuðborgarsvæðinu og þvi hækkar lánskjaravísitalan, sem er ein fáranlegast uppfinning Íslandssögunnar og grunnur hennar, sem hún er reiknuð út frá, er eingöngu almenningi í óhag.

28,5% hækkun á gjaldskrá

Athugasemdir

[Ingvar, 27.8.2010 kl. 20:02]

Það er hreint ótrúlegt að núna hækka íbúðarlán fólks á landsbyggðinni vegna

R listaruglsins og spillingar Samfylkingnar.

[Lára (IP-tala skráð) 27.8.2010 kl. 20:09]

Það er augljóst að Orkuveitan verður að skera meira niður og spara í rekstri. Af ýmsu að taka. Það sjá allir. Sem viðskiptavinur og eigandi vil ég amk 30-40% niðurskurð. Það strax.

[Tryggvi Helgason, 27.8.2010 kl. 21:35]

Þetta er laukrétt hjá þér Haraldur, - það eina sem hægt er að gera í stöðunni og verður að gera, hjá þessu fyrirtæki sem og hjá bæjar- og sveitarfélögum, - er að skera niður alla kosnaðarliði. Lækka öll laun og fækka starfsfólki, kannske um helming.

Þá verður að afnema vísitölutryggingarnar nú þegar. Almenningur verður að taka höndum saman og láta að sér kveða. Hvar eru nú "trommu-hersveitirnar" ?

Þetta heimasmíðaða okurkerfi verður að strika út. Það dugir ekki að gleyma sér í einhverju karpi um það hverjir komu þessu á og hverjum sé um að kenna. Það kemur ekki lengur málinu við, heldur það eitt að þetta óheilbrigða og ósanngjarna svíðingskerfi verður að rífa upp með rótum. Í því máli er boltinn hjá Alþingi og ríkisstjórninni.

Ef stjórnin með sinn þingmeirihluta treystir sér ekki til þess, - nú þegar, - að setja lög og afnema vísitölubindingarnar, þá finnst mér eðlilegast að ríkisstjórnin stígi til hliðar og gefi þar með Forseta Íslands tækifæri til þess að mynda utanþingsstjórn, sem hafi það hlutverk fyrst og fremst að afnema vísitölubindingarnar. En til þess að svo megi verða þá þarf, að sjálfsögðu, helmingur þingmanna að samþykkja slíka stjórn og veita henni brautargengi.

Að þessu loknu má svo kjósa upp á nýtt til Alþingis.

[Valla (IP-tala skráð) 27.8.2010 kl. 23:54]

Einmitt hvað með þetta verð út á landi. Ég væri svo glöð ef reikningurinn hjá mér fyrir hita og rafmagn væri bara 150 þúsund.  Þessi upphæð dugar í ca. fjóra mánuði. Er samt ekki að segja að þessi hækkun sé réttlát. Ég bara skil ekki út af hverju það er svona mikill munur.