Þorskurinn farinn að synda inn í reiknilíkönin

Hvað er að gerast hjá Hafró? Er þorskstofninn virkilega orðinn svo stór að hann er farinn að synda inn í reiknilíkön Hafró líka? Þá er nú verulega mikið af þorski í sjónum og jafnvel meira en allir, nema Hafró, hafa séð undanfarin ár.

Annars eru þessi ummæli forstjóra Hafró örugglega ummæli aldarinnar: „Styrking hrygningarstofns þorsks er skólabókardæmi um hvernig aðgerð í fiskveiðistjórnun getur skilað árangri," sagði Jóhannn Sigurjónsson, forstjóri Hafrannsóknarstofnunar í dag. - Skólabókardæmið er þá að ganga upp eftir ríflega 30 ár og ómældan kostnað fyrir þjóðina í töpuðum tekjum af sjávarútvegi.

Þorskstofninn stækkar

Athugasemdir

[Árni Gunnarsson, 4.6.2010 kl. 12:30]

Ég tek meira marka á suðinu í fiskiflugunni en forstöðumanni Hafró.

Enda býr hún að þróaðri reynslu kynslóðanna. Það gerir Jóhann Sigurjónsson greinilega ekki. Hann er svo lærður að hann heldur að Hafró geti gengið að uppýsingum vísum með því að skoða alltaf sömu bleyðurnar.

Og svo trúir hann því að sjórinn sé vörugeymsla sem hægt er að keyra inn í á lyftara og taka svo tiltekna tölu af brettum út.

Loka síðan skemmunni.

[Fannar frá Rifi, 4.6.2010 kl. 12:33]

það er mjög einföld lausn til á þessum vandræðum landsins.

breyta aftur lögunum frá 2007 um að nýta meigi aðeins 20% af stofninum en ekki 25% eins og var hér í næstum aldarfjórðung. 

með 25% nýtingu eins var áður en við fórum í 20% 2007 (rökin fyrir breytingunni voru meðal annars þau að við hefðum efni á minni fiskveiðum núna útaf góðæri) þá yrði aflamark á Þorski á næsta fiskveiði ári um 200 þúsund tonn. 

ég myndi spá að ef þetta yrði gert og að ríkisstjórnin myndi gefa það út að kvótakerfinu yrði ekki breytt og engin ríkisvæðing og að það yrði ekki farið í neitt eignarnám, þá myndi allt blómstra í sjávarplássunum. verð á kvóta myndi líklega fara úr þessum 1800 kr sem landsbankinn hefur verið að selja á og falla niður í 1200 kr. þeir sem eru að gera út í dag myndu fá nóg fyrir sig og myndu þurfa að selja frá sér kvóta. bæði til að létta á skuldastöðu sinni og vegna þess að þeir gætu margir hverjir ekki veitt allt sitt. þá yrði nýliðun í greininni. 

en þetta allt byggist á því að stjórnvöld hugsi fram í tíman og sjái það sem er gott fyrir samfélagið til lengri tíma en hugsi ekki um tímabundnar vinsældir sínar og einstakir þingmenn berjist ekki fyrir persónulegri hylli og vinsældum sínum á kostnað þjóðarinnar. 

auk þess myndi þetta leiða til uppbyggingar í sjávarútvegi. svo dæmi séu tekinn þá er Samherji ennþá með á bið á því að hefja framkvæmd á nýrri fiskverkun á Dalvík. það myndi muna um slíka framkvæmd í Eyjafirði með tilheyrandi vinnu hjá byggingarverkafólki.

[Jóhann Elíasson, 4.6.2010 kl. 12:44]

Þetta er vægast sagt ótrúleg frétt, Halli.  Það er nú alveg á mörkunum að ég þori að tjá mig um þetta og fleira.

Fannar að mínu áliti eru lögin frá 2007 ekki okkar stærsta vandamál heldur eru það aðferðir HAFRÓ við mælingar á stærð hrygningarstofnsins.

Tek undir hvert orð hjá Árna.

[Fannar frá Rifi, 4.6.2010 kl. 12:58]

það er langtíma barrátta að berjast við aðferðir og reiknikúnstir hafró. til þess að það geti orðið þá þurfum við fleiri rannsóknarstofnanir eins og Vör á Snæfellsnesi.

allavega hafa núverandi stjórnvöld og stjórnarþingmenn engan áhuga á því sem hafró gerir. það myndi engu breyta þótt kvótakerfið yrði afnumið eða fyrrningarleiðin yrði farin. ennþá myndi Hafró hafa æðstu völd, stjórnartaumana um sókn og hversu mikið má veiða.  ef þessu yrði breytt í daga kerfi eins og Færeyjar eru með þá yrði dögunum bara fækkað þangað til að "rétt" magn (að áliti Hafró) kæmi að landi. 

af þeim sökum er öll umræða um uppstokkun á kerfinu tímasóun og í raun helbert kjaftæði því engar raunverulegar breytingar til bóta yrðu í sjávarútvegi. 

[Jóhann Elíasson, 4.6.2010 kl. 13:03]

Ég hugsa nú að þetta sé nokkuð rétt ályktun hjá þér Fannar.

[Árni Gunnarsson, 5.6.2010 kl. 09:37]

Þetta er ekki rétt ályktun hjá Fannari nema því aðeins að það sé ekki talið skipta máli hvort kerfið virkar fyrir nýtinguna.

Það er hafið yfir vafa í mínum huga að t.d. veiðar smærri báta á grunnslóð þarf að setja í sóknarmark til að forða brottkasti. Fyrir þá sem trúa því að hætta sé á ofveiði með línu og handfæri er einfalt að skattleggja við löndun þær tegundir sem talin er þörf á að spara. Skatturinn yrði það hár að það skilaði ekki ábata að veiða en þó ekki hærri en svo að það yrði tjón að brottkastinu.

Varla er nokkur svo heimskur að trúa því að útreikningar séu svo nákvæmir að einhverjir tugir tonna fram yfir ráðgjöf skipti máli fyrir stofnana. 

[Haraldur Bjarnason, 6.6.2010 kl. 10:41]

Meðan hafró viðurkennir ekki að aðferðafræðin er vitlaus og dæmið gengur ekki upp eru allar breytingar vonlausar. Stjórnmálamennirnir geta ekki tekið fram fyrir hendurnar á Hafró vegna alþjóðasamfélagsins og hættunnar á við yrðum einangruð viðskiptalega með fisk. Þvi er eina leiðin að skipta um forystu Hafró og ráða þanga víðsýna fagmenn sem horfa til staðreynda en eru ekki fastir í ónýtum reiknilíkönum.