Lambið er einfaldlega of dýrt

Hefur það virkilega aldrei hvarflað að sauðfjárbændum að lambakjöt sé einfaldlega of dýrt í samanburði við önnur matvæli? Með verðlagningu hafa heilu kynslóðirnar verið vandar af lambakjötsneyslu. Þetta gerist þrátt fyrir að lambakjörsframleiðslan sé að stórum hluta í boði skattgreiðenda landsins með niðurgreiðslum. Meira að segja stéttarfélag bænda er ríkisstyrkt. Þarna þarf að taka verulega til. Það er stóra málið. Helst má þó skilja á fréttinni að formaður sauðabændanna vilji þvinga almenning til lambakjötsneyslu. Þess þarf ekki ef hefur fólk hefur einhvern valkost og getur leyft sér að kaupa lambakjöt. Þá verða Íslendingar ekki lengi að venjast á neyslu þess aftur. 

Eggin og fleskið beint frá banka

Athugasemdir

[Jón Guðlaugur Guðbrandsson (IP-tala skráð) 8.4.2010 kl. 23:48]

Ja... við seljum kjötið á innan við 800 kr/kg með gæðastýringarálaginu frá ríkinu. Ekkert sláturhús borgar yfir 500 kr/kg til bænda, meðalverð er líklega svona syrka 460 kr/kg, miðað við algengasta gæðaflokk.

Ég get ekki séð að við ráðum mikið um verðlagið út úr búð.

Og meðal annars heyrði ég í svínabónda sem sagði að verðið fyrir grísi væri komið niður í 270 kr/kg(úr sirka 400), neðar heldur en hann sagði að svaraði kostnaði, offramleiðslan er ekki að fara verst með sauðfjárbændur heldur svínabændurna sjálfa. Bankarnir sem reka búinn eru ekki bara að keppa við okkur heldur alla kjötframleiðendur, önnur svínabú líka.

Annars finnst mér þetta ósköp háfleygt hjá Sindra kallinum, menn fara víst alltaf á flug þegar þeir tala fyrir sínu fólki, vilja smala köttum og fleira.

Hafið þið það annars gott á malbikinu og látið ekki slá að ykkur.

Góðar stundir.

[Jón Logi (IP-tala skráð) 9.4.2010 kl. 08:54]

Lambakjöt er dýrara en flest annað af því að það er heldur dýrara í framleiðslu. Það bara er svoleiðis.

Það er annars svolítið ergilegt að reka sig á þann gamla draug að bændur hreinlega velti sér upp úr styrkjum, og hafi svo feitt kílóverð að auki. Sannleikurinn er nú bara sá að flestir þeirra lifa við frekar þröngan kost, sérstaklega sauðfjárbændur. Og styrkir hérlendis eru ekkert í neinum há-hæðum heldur. Og svo er þetta að auki frekar harðbýlt sker.

Svo vantar það inn í, þegar talað er um verðlagningu, hversu mikið af henni verður til eftir að kjötið fer frá bónda. Sláturhúsaverð á lambi er einhversstaðar undir 400 kr. Gott lamb er þá á  ca 6.000 krónur.

Prófið nú að fara í búðina, og raða saman einu lambi. 2 læri, heill hryggur, 2 bógar, slög (smá kæfa), og góður poki af súpukjöti, sláturkitt (3 slátur í pakka / 3) og leggja svo saman. Kemur þá út athyglisvert verð. 

Prófið svo að finna nautatungu í sneiðum, sem gæti verið á svona 3000-4000 kr/kg og reikna út hvað framleiðandinn fær . Ég skal láta ykkur hafa töluna í dag ....

[Haraldur Bjarnason, 9.4.2010 kl. 10:37]

Málið er einfaldlega það að þrátt fyrir ríkisrekin Bændasamtök og niðurgreiðslur þá getur almenningur ekki keypt lambakjöt. Ég er ekkert malbiksbarna og styð bændur heilshugar. Þeir eru bara á rangri hillu með fullt af einhverjum ráðgjöfum á ofurlaunum frá ríkinu. Bændur sjá minnst af því sem kemur inn fyrir lambakjöt og rugl Sindra er því bara til að eyðileggja fyrir hinum almenna sauðfjárbónda.

[Haraldur Bjarnason, 9.4.2010 kl. 13:54]

Lömbin ganga sjálfala um landið hálft árið og eru því ekki á dýru fóðri eins og svín og kjúklingar. Þessa vegna ættu þau að vera ódýrari en eru helmingi dýrari. Hvað veldur?

[Jón Logi (IP-tala skráð) 9.4.2010 kl. 16:51]

Haraldur: Færðu þig aðeins ofar í textann og sjáðu skýringuna á því. Það liggur um það bil tvöfalt meiri fóðurframleiðsla að baki einu kg af lambakjöti heldur en 1 kg af svína/alifuglakjöti. Svo þarftu að hafa á húsi (og N.B. hafa hús yfirleitt þar sem það þarf að vera til, vegna vetrarfóðrunar, þótt það standi autt að sumri), og þar ertu með ca 40 (!!!!) Ær á fóðri, sem taka all mikið meira pláss en ein gylta.

Sem sagt, það er dýrara fóður bak við kílóið af lambi BARA með eldinu á ánni, - það yrði fyrst dýrt ef þú þyrftir að ala það yfir uppvaxtartímann líka.

Og bændasamtökin....ég veit ekki hversu mikil hlutdeild ríkisins er í þeim. En það er gjaldstofn til þeirra (skattur) á hvern einasta bónda á landinu, og það er ekkert klink sko. Eitthvað sem margir vita svo ekki er að þetta er ekki stéttafélag bænda, heldur sambræðingur af stéttarfélagi og fagþjónustu, - það var gert með sameiningu Stéttarsambands bænda og Búnaðarsamband Íslands, - í hagræðingarskyni að mér skilst, en ætla ekki að fella dóm á það hvort það hafi verið skynsamlegt.  Það þarf hins vegar vissulega töluvert apparat til að halda utan um allt það móverk sem byggist smám saman utan um hina ört fækkandi bændur, en sú kvaðning kemur ekki frá landsbyggðinni, heldur aðallega löggjafanum.

Svo með verðið. Það er hægt að fá sér lamb á afar viðráðanlegu verði ef ekki er keypt í smátætlum. Var að kaupa mér heilt stórt lamb á 12.000. Vissulega er líka hægt að kaupa svín í heilu, en vegna eðlis þeirra vinnslu sem venjulega er á svíni er kílóið komið fram úr lambinu (eða á svipuðu róli) þegar búið er að reykja o.s.frv. 

Ég kaupi niðursneitt lamb (eftir eigin skilgreiningu) fyrir innan við 800 kr/kg, og það er minna en poki með banakringlum úr Bónus. Enda áttu sauðfjárbændur öngvir, né samtök þeirra nokkru sinni snekkju eða einkaþotu. Hugsi nú hver fyrir sig ;)