Egilsstaðir eru að öllu jöfnu hlýjasti staður landsins

Það er hvergi betra en á Egilsstöðum þessa dagana. Suðaustlægar áttir geta hins vegar leitt til þokubakka við ströndina og þar er kalt. Ég hef bæði búið á Norðfirði og Héraði og veit að þrátt fyrir allt tal fjarðamanna um að lognið sé á fjörðunum þá er að öllu jöfnu mun betra veður á Héraði. Skógræktin þar ber vitni um það. Hitatölur þar segja hins vegar ekki allt því nú er mælt á Egilsstaðaflugvelli en var á Eyvindará áður. Þar er hlýrra og líka í þéttbýlinu á Egilsstöðum því alltaf andar köldu frá Lagarfljótinu. - Egilsstaðir eru að öllu jöfnu hlýjasti staður landsins.

Bongóblíða á Egilsstöðum

Athugasemdir

[Magnús Sigurðsson, 29.6.2009 kl. 18:47]

  

[Eiður Ragnarsson, 29.6.2009 kl. 23:42]

Veðurmælirinn hér á Reyðarfirði er líka á vitlausum stað, það er alltaf hlýrra úti í bæ en uppi á Kollaleyru, hér mældust í dag tölur allt að 23° á reyndar ólöggildum mælum, en í forsælu engu að síður..

Núna kl 23:00 er hitin hjá mér og í næsta húsi 11° og 12° en á Kollaleyru 8°  og 1m/sek. Svipaða sögu er eflaust að segja á Egilsstöðum en þar er hitinn 9° og vindur uppá 6m/sek en ef við færum okkur inn í bæ er víða logn og 2-3 gráðum hlýrra..

En vissulega er mjög oft frábært  veður á Héraði, og það væri nú bara vitleysa að mæla á móti því og hreinlega bara ástæða til að samgleðjast því ágæta fólki sem þar býr með það...

[Óskar Þorkelsson, 30.6.2009 kl. 00:00]

alla jafna hlýjasti staður landsins.. ekki dreg ég það í efa.. á sumrin.. en hvernig skyldi dæmið vera ef tekið væri meðaltal á heilu ári ? Þá er ég ansi hræddur um að aðrar tölur kæmu upp..

Ég tel sennilegast að Hvolsvöllur og Hella séu með heitustu stöðum landsins.. jafnt yfir.. án þess að ég viti það neitt sérstaklega.. væri gaman að fá þetta staðfest.

[Eiður Ragnarsson, 30.6.2009 kl. 00:41]

Hvað með Vestmannaeyjar í þessu samhengi??

[Óskar Þorkelsson, 30.6.2009 kl. 00:45]

hvernig passa eyjarnar við "samhengið Eiður ?

[Magnús Sigurðsson, 30.6.2009 kl. 08:22]

         

[Víðir Benediktsson, 1.7.2009 kl. 00:35]

Það er ekki endilega lofthitinn sem skiptir máli heldur líka úrkoma og vindur. Egilsstaðir standa mjög vel að vígi hvað alla þessa þætti varðar en staðir eins og Vestmannaeyjar eða Hvolsvöllur  koma ekkert sérstalega vel út í því samhengi. Svo er það náttúrulega óumdeilt að Akureyri er veðursælasti staður landsins og þó víðar væri leitað. Vopnafjörður er í öðru sæti.

[Gunnar Th. Gunnarsson, 1.7.2009 kl. 01:05]

Egilsstaðir er vindrassgat og þangað fer enginn fjarðabúi ótilneyddur

[Eiður Ragnarsson, 1.7.2009 kl. 15:46]

Vestmannaeyjar og meðalhiti á árinu.. Það var samhengið..

En það þýðir lítið að rífast um þetta, veðursælasti staður á landinu hlýtur að vera Teigarhorn við Djúpavog en þar hefur hitin mælst mestur á landinu og ekki hefur það verið slegið enn en það var í september 1940 og var 36°.  Ekki vill veðurstofan nota þá tölu sem íslenskt hitamet, því að hitinn stóð mjög stutt yfir og það var ekki jafnmikill hiti annarsstaðar á landinu, en í stað þess þá er opinbert hitamet 30,5° mælt á Teigarhorni 22. júní 1939

[Magnús Sigurðsson, 1.7.2009 kl. 23:11]

Ég heyrði þá sögu að það hafi verið migið utan í mælirinn þegar hitinn var tekinn.  Enda 36 gráður grunsamlega nálægt líkamshita.

 

En það breytir ekki því að það er hvergi fallegra og betra að vera í góðu veðri en í nágrenni Teigarhorns.

    

[Haraldur Bjarnason, 2.7.2009 kl. 20:14]

Held að Maggi hafi rétt fyrir sér með Teigarhornsmetið. Gunnar er hins vegar sárþjáður af Héraðshatri og ég virði það. Reyðarfjörður hefði fyrir mörgum áratugum verið orðin miðstöð Austurlands hefðu Reyðfirðingar ekki verið þar. Héraðsmenn gerðu allt til að byggja um þennan stað með aðalstöðvum KHB og mikilli atvinnustarfsemi. Ríkið líka með Vegagerðinni og SR. Það var svo ekki fyrr en Norðfirðingar komu að stjórn mála á Reyðarfirði að eitthvað gerðist.

[Gunnar Th. Gunnarsson, 3.7.2009 kl. 02:57]

Ekki er ég nú sárþjáður en athugasemd mín hefur þó afhjúpað viðkvæmni þína fyrir léttri stríðni