Klessti á!

Hvers konar málfar er þetta? "Klessti á." Er sá sem ritar þetta ennþá á leikskólaaldri? Í það minnsta í málfarsþroska. Ég hef séð þetta orðskrípi notað á vísi.is en þetta er í fyrsta skipti sem ég sé það á mbl.is. Sendið viðkomandi fréttaskrifara aftur í leikskólann.

Viðbót kl 11:29 Batnandi mönnum er best að lifa. Nú er búið að breyta fréttinni. Í stað þess að klessa á lenti bíllinn á ljósastaur. Öllu skárra. Svona var fréttin: Umferðarslys varð á mótum Bústaðavegar og Reykjanesbrautar á þriðja tímanum í nótt. Ökumaður missti stjórn á bíl sínum og klessti á ljósastaur. Kalla þurfti til slökkvilið til að aftengja rafmagnið í staurnum og klippa farþegana út. Þeir hlutu minniháttar meiðsl.

Hvernig getur staðið á því að ökumaður missi stjórn á bíl sínum við mjög góðar aðstæður.  Engin hálka, lítil umferð en ölvaður ökumaður.

Umferðarslys og fíkniefnaakstrar

Athugasemdir

[Sverrir Einarsson, 12.4.2009 kl. 10:45]

Þetta er algengt orð hjá krökkum sem eru um 17 - 18 ára. Þetta er sennilega einhver í starfskynningu, varla fer fullorðin manneskja að nota svona krakka málfar. Einhverstaðar (man ekki hvar) rakst ég á þá lýsingu af vettvangi að bílstjórinn "krassaði" og lenti á ljósastaur!!!! Þar var átt við að bíllinn hefði runnið til í hálku og endað á ljósastaurnum.

[Páll Geir Bjarnason, 12.4.2009 kl. 13:02]

Hvaða rugl er þetta. Ég er 37 ára og þetta orð var notað í þessu samhengi þegar ég var krakki. Fjölmargir beita enn fyrir sig íslenska sagnorðinu "klessa" þegar um er að ræða þá athöfn að aka á eitthvað. Sérstaklega í þt., sbr. "klessti". Það er tóm þvæla að þetta sé einhver orðanotkun unglinga.

[Sverrir Einarsson, 12.4.2009 kl. 13:25]

Einmitt PGB krakka málfar. Síðan kemur málfars ÞROSKI.

[Haraldur Bjarnason, 12.4.2009 kl. 13:40]

Nálvæmlega það sem ég sagði. Sumir vaxa aldrei upp úr leikskólatalinu.

[Páll Geir Bjarnason, 12.4.2009 kl. 13:44]

Ég er íslenskufræðingur frá HÍ.

[Jóhanna Gísladóttir (IP-tala skráð) 12.4.2009 kl. 13:54]

En akstrar hvers konar orðskrípi er það eiginlega og það í fyrirsögn? „...fíkniefnaakstrar.“ Minnir á kalda eða heita bakstra. Orðið akstur er ekki til í fleirtölu.

[Haraldur Bjarnason, 12.4.2009 kl. 13:57]

Já þar á bæ hefur því miður verið slakað verulega á. Það er ekki til sóma. Þetta þekki ég af því að hafa lesið prófarkir margra BA nemenda í íslensku við HÍ. Við eigum að tala íslensku við börnin en ekki eitthvað tilbúið barnamál. Nota venjuleg íslensk orð í staðinn fyrir orð eins og klessa. Þá verða 37 ára íslenskufræðingar talandi á íslenska tungu þegar fram í sækir.

[Eyþór Örn Óskarsson (IP-tala skráð) 12.4.2009 kl. 14:44]

PGB - Í þessu tilfelli hefði ég sleppt því að segjast vera Íslenskufræðingur frá HÍ

[gegt kúl kallinn (IP-tala skráð) 12.4.2009 kl. 14:55]

þetta meikar engan sens.

[Magnús Sigurðsson, 12.4.2009 kl. 15:48]

Þetta keis var bara að gaurinn klessti á, mér var sagt það Halli gamli.

[gegt kúl gaurinn (IP-tala skráð) 12.4.2009 kl. 16:07]

þú meinar; ,,það var sagt mér", Magnús.

[Haraldur Bjarnason, 12.4.2009 kl. 16:33]

Góður Maggi

[Magnús Sigurðsson, 12.4.2009 kl. 19:44]

Satt er það "gegt kúl gaurinn" mér er farið að förlast gullaldarmálið, en þú möndlaðir keisið.