Allt er í heiminum hverfult

Úff!! Er nú Maggi í kaupfélaginu sakaður um skattsvik á sama tíma og kaupfélagið sem honum var ætlað fyrir austan er komið á hausinn? Margir töluðu um, á sínum tíma, að Maggi hefði verið heppinn að verða ekki kaupfélagsstjóri á Héraði og þess í stað farið til Akureyrar, keypt gömul bruggtæki, flutt þau til Rússlands og grætt á því ásamt Björgólfunum. Nú er allt veldið hrunið bæði hjá Björgólfunum og honum. - Allt er í heiminum hverfult

Magnús krafinn um tæpan milljarð

Athugasemdir

[Jón Garðar (IP-tala skráð) 10.2.2009 kl. 20:29]

Maggi er líklega ekki tilbúinn að leggja sitt af mörkum til uppbyggingar þjóðfélagsins ... er hann svo bölvaður skattsvikari líka?

[Níels A. Ársælsson., 10.2.2009 kl. 20:32]

Amen !

[áhugasamur (IP-tala skráð) 10.2.2009 kl. 20:35]

Þetta er nú varla hrun. 10% skattur á vinninginn? Og eflaust er hann ekki svo vitlaus að hafa gleymt að koma einhverju/miklu/öllu undan áður en skellurinn kom. Hann veit allavega hvernig hægt er að stofna fyrirtæki á einhverjum eyjum í suðurhafi.

Þetta mál þarf að rannsaka áfram, sem og mörg mörg mörg önnur. Margir sofa víst órólega þessar vikurnar.

[Haraldur Bjarnason, 10.2.2009 kl. 21:49]

Nei skatturinn er ekki hrun heldur veldið sem byggt var upp á ímynduðum peningum, einhverjum pappírum. Nilli nú er bara að kasta rekunum. Jón Garðar auðvitað ætti hann að láta gott af sér leiða á Héraði, ef eitthvað er eftir hjá honum. 

[Árni Gunnarsson, 10.2.2009 kl. 23:38]

Hann Maggi í Kaupfélaginu er nú enginn venjulegur kotóristaræfill með blýantsstubb bak við hægra eyrað.