Þá er það ljóst

Já bangsi fallinn og ekki annað hægt í stöðunni en að fella hann að mati eins helsta sérfræðingsins í þessum málum. - Þá er það ljóst. - Það var þá ekki svo einfalt mál eftir allt saman að fanga hvítabjörn. Það var gott mál að þetta var reynt núna því eflaust minnkar eitthvað gagnrýni þeirra sem hvað harðast gengu fram í að mótmæla því að fyrra dýrið var fellt.

Svo kom í ljós að dýrið var illa haldið og ekki víst að það hefði þolað deyfingu. Nú eru menn reynslunni ríkari. Búið að reyna allt sem hægt er með mikilli fyrirhöfn og kostnaði. Eflaust verða Íslendingar samt gagnrýndir annarsstaðar fyrir þetta, jafnvel þótt leitað hafi verið aðstoðar dansks sérfræðings.

Eini kosturinn í stöðunni að aflífa dýrið

Athugasemdir

[Jóhann Elíasson, 18.6.2008 kl. 08:30]

Að sjálfsögðu var þetta það eina rétta í stöðunni og átti bara að byrja á þessu og sleppa þessum "leikaraskap" til þess að friða einhverja "Náttúruverndar-Ayjatolla" og nú er Björgólfur Thor strax farinn að draga í land með að borga fyrir ævintýrið.

[Stefán Þór Steindórsson, 18.6.2008 kl. 10:34]

Já ég býst nú við að þetta hafi verið rétt, enda erfitt að fylgjast með dýrinu ef það fer á haf út. En þegar þú segir "að mati eins helsta sérfræðingsins í þessum málum" Hvern ertu þá að tala um?  Þessir danir sem komu til að hjálpa til við björgunina hafa aldrei gert neitt slíkt áður og því eru þeir ekki sérfræðingar um þetta þó hann sé sagður Sérfræðingur í fréttinni.

[Haraldur Bjarnason, 18.6.2008 kl. 10:40]

...nógu andskoti var hann brattur Stefán í viðtölum og taldi sig færan í flestan sjó,

[Hólmdís Hjartardóttir, 18.6.2008 kl. 11:59]

Sérfræðingurinn taldi þetta ungt karldýr.......svo kom í ljós að þetta var öldruð birna

[Helga Guðrún Eiríksdóttir, 18.6.2008 kl. 15:30]

Já, maður er enn að reyna að hrista af sér aukahrollinn.

[Helga Guðrún Eiríksdóttir, 18.6.2008 kl. 15:30]

Auka aulahrollinn líka...

[Haraldur Bjarnason, 18.6.2008 kl. 22:01]

Jaherna, ég hló mikið þegar ég sá þetta "búr". Gamall og hrörlegur trékassi. Ég er viss um að margur hestamaðurinn hér á landi á kerrur sem duga miklu betur en þessi kassi. Jú ætli það hafi ekki verið sótthreinsað en bangsi var hins vegar ekki sótthreinsaður og sá fyrri var nú fullur af einhverjum ormaskröttum.